pompéyo koréye rehberlirining uchrishishi toghrisida bayanat élan qildi
amérika tashqi ishlar ministiri pompéyo koréye rehberlirining uchrishishi toghrisida toxtilip, amérikaning élinghan qararlardin kéyin, jiddiy türde amérika-shimaliy koréye munasiwetlirini özgertish uchrishishliri üchün teyyarliq qilghanliqini bildürdi.
türkiye awazi radiyosi xewiri: amérika tashqi ishlar ministiri mayk pompéyo shimaliy koréye rehbiri kim jongun we jenubiy koréye pirézidénti mun jaénning uchrishishi toghrisida yazma bayanat élan qildi. u bayanatida, uchrishishning netijisini memnunluq bilen qarshi alidighanliqlirini bildürdi. u mundaq dédi:
«bügün (19-séntebir) etigen mensepdéshim ri yonghodin kéler hepte niyu yorkta échilidighan b d t yighinida körüshüshni telep qildim. yene, shimaliy koréye rehberlirini pat arida amérikaning shimaliy koréye alahide wekili stéfin biyégun bilen awstiriye paytexti wiyénnada körüshüshke teklip qilduq. bu musape 2021-yili yanwarda axirlishishi pilan qilinghan koréye yérim arilini yadro qoralliridin tazilash nami bilen, amérika-shimaliy koréye munasiwetlirini özgertish üchün muhim bashlanghuchtin bésharet béridu» dédi.
piyongyangda bir yerge jem bolghan shimaliy we jenubiy koréye rehberliri yoshurun xewp we qiyinchiliqlar bar bolsimu, tinchliq hemde parawanliq üchün ortaq tirishchanliq körsitidighanliqlirini bildürdi.
jenubiy koréye pirézidénti mun jaén shimaliy koréye rehbiri kim jongun bilen otturida ishench we dostluq munasiwetliri barliqini bildürüp: «tinchliq we yadro qorallirini yoqitish musapisi yéngi bashlandi. héchkim tejribe qilip baqmighan kélechek yaritalishimiz mumkin» dédi.
