تالىبان ساقچى مەركىزىگە ھۇجۇم قىلدى

تۈركىيە ئاۋازى رادىيوسى خەۋىرى: بادگىس ساقچى ئىدارىسى باياناتچىسى نەقىبۇللاھ ئەمىنى، تالىبان ئەزالىرىنىڭ بادگىسنىڭ باند سابزى رايونىدىكى بىر ساقچى مەركىزىگە قىلغان ھۇجۇمىدىن كېيىن يۈز بەرگەن توقۇنۇشتا 5 ساقچىنىڭ جېنىدىن ئايرىلغانلىقىنى، 22 تالىباننىڭ ئۆلتۈرۈلگەنلىكىنى، كۆپ ساندا تېرروچىنىڭ يارىلانغانلىقىنى ئۇقتۇردى.

تالىباننىڭ بۇ ھەقتىكى باياناتىدا بولسا، ۋەقەدە 5 ساقچىنىڭ ئۆلگەنلىكى، 7 ساقچىنىڭ يارىلانغانلىقى، 2 ساقچىنىڭ ئەسىرگە ئېلىنغانلىقى ئىلگىرى سۈرۈلدى.