awstriyede irqchilargha qarshi namayish ötküzüldi

türkiye awazi radiyosi xewiri: awstriyening paytexti wiyanada ashqun «kimlik herikiti»ezaliri ötküzgen yighilishqa naraziliq bildürüldi.

wiyananing 19-rayonigha yighilghan namayishchilar «irqchilargha qarshimiz, natstlar hakimiyetke kelmisun»dégen mezmunda xetler yézilghan lozunkilarni kötürüp méngishti.

kobénzél meydanigha qarap ilgiriligen namayishchilar ashqun kimlik herikiti ezalirining bayanat bérishige ruxset qilmidi.

bu namayishni uyushturghan linkéwéndé ammiwi jemiyet orgini bayanatchisi déywid albirich,  natsit kimlik herikitige naraziliq bildürüsh meqsitide namayish ötküzgenliklirini éytti.

albrich irqchilarning wiyana bolup her qaysi sheherlerde paaliyet qilishigha ruxset qilmaydighanliqlirini eskertip: gérmaniyening chémnitz shehiride irqchilarning musapir, musulman we chet elliklerge hujum qilishigha qetiy yol qoymaymiz, wiyana, chémnitz bolup her qaysi sheherlerde ularning paaliyet qilishigha ruxset qilmaymiz, dédi.

ashqun ongchil hökümetning siyasetlirining irqchilqning qaytidin bash kötürüshige we jemiyette ayrimchiliqning peyda bolushigha seweb bolghanliqini éytqan albrich, natstlarning dunya qarishini yaqlaydighan bezi kishilerning hökümet sépida ministir bolup wezipe ötewatqanliqinimu éytti.

albrich gérmaniyede yüz bergen irqchiliq weqelirining awstriyede qaytilanmasliqi üchün jemiyettiki her qaysi qatlam kishilirining musulmanlargha, köchmenlerge we chet elliklerge qarshi bolghanlargha qarshi birlikte heriket qilishi lazimliqini eskertti.

saqchilar ikki terepning toqunushup qalmasliqi üchün bixeterlik tedbirliri aldi.

bu yilning béshida gérmaniyening chémnitz shehiride «gérmaniye üchün eng muwapiq heriket»partiyesi  bilen «gherbning islamlishishigha qarshi wetenperwer yawropaliqlar»éqimi (pégida) teripidin uyushturulghan namayishlarda weqe yüz bérip bir kishi ölgenidi.