yemendin seudi erebistangha rakétamiyot étildi

yemendin seudi erebistan zéminigha étilghan rakétamiyot hawadila bitchit qilindi.

1034744
yemendin seudi erebistangha rakétamiyot étildi

türkiye awazi radiyosi xewiri: yemen zéminliridin seudi erebistanning nejrangha étilghan bir rakétamiyot hawadila bitchit qilindi.

seudi erebistan resmiy xewer agéntliqi s p a ning bu heqtiki xewiride, xelqara ittipaqdash qisimliri bayanatchisi türki el maliki yemendiki shie husiylarning amran shehiridin seudi erebistanning nejran shehirige rakétamiyot atqanliqini éytqanliqi bildürüldi.

türki nejrangha étilghan rakétamiyotning hawadila xelqara ittipaqdash qisimliri teripidin bitchit qilinghanliqini éytti.

türki iranni rayon we xelqaraning bixeterlikige tehdit sélish we shie husiylarni qollash bilen eyiblidi.

seudi erebistan bashchiliqidiki xelqara ittipaqdash qisimliri yemendiki qanunluq hakimiyetni qollash meqsitide 2015-yili 26-marttin bashlap shie husiy qoralliq küchlirige heriket  qozghap kéliwatqan bolsa, yemendiki shie husiy qoralliq küchlirimu seudi erebistangha pat pat rakétamiyot bilen hujum qilip kelmekte.



مۇناسىۋەتلىك خەۋەرلەر