иран америка ембарголириниң йолға қойуш имканиниң йоқлуқини билдүрди

иран ташқи ишлар министири муһәммәд җәвад зариф йадро келишимини қоғдап қелишта, йәнә бир тәрәптики йавропа дөләтлири болған германийә, фирансийә вә әнглийәниң күткән йеридә болмисиму, әмма тоғра йолда икәнликлирини билдүрди.

1028475
иран америка ембарголириниң йолға қойуш имканиниң йоқлуқини билдүрди

түркийә авази радийоси хәвири: җәвад зариф ирандики алдинқи қатарда туридиған нопузлуқ «иран гезити» ниң зийаритини қобул қилғанда, йадро келишимидә йәнә бир тәрәп болған йавропа дөләтлириниң ирандин нефит сетивалидиған дөләтләр билән бирму бир көрүшүп «америка ембарголириға қаримастин импорт қилишни давамлаштурушни тәвсийә қилди» деди.

у йавропаниң америка ембарголириға қаримастин иран мәркизий банкисиниң йавропа банкилири билән рәсмийәтлирини асанлаштуруш үчүн изчил тиришиватқанлиқиниму билдүрди. у мундақ деди:

«йавропаниң ембарголарға қарши чиқиши американи йалғузлуққа мәһкум қилди.»

у «американиң 5-нойабир иран нефитиға ембарго қойуп, нефит експортини нөлгә чүшүрүшни мәқсәт қилғанлиқи» һәққидики соалға:

«америкалиқлар бу хил әмәлийәттин йирақ вә имкани болмиған хийаллирини әқлидә тутушни халиса, җәзмән буниң нәтиҗилиридинму хәвәрдар болуши керәк. <иран нефит експорт қилалмиса, башқилири експорт қилиду> дегән бундақ әһвалниң оттуриға чиқиши қәтий мумкин әмәс» дәп җаваб бәрди.

иран йадро келишими (Joint Comprehensive Plan of Action JCPOA) 20 ай давамлашқан музакирәләр нәтиҗисидә 2015-йили 14-ийул австирийә пайтәхти вийеннада, америка, әнглийә, фирансийә, русийә, хитай вә германийәдин ибарәт алтә дөләт һәмдә йавропа иттипақи билән иран оттурисида имзаланған иди. келишим, теһранниң йадро пироәраммисидин ваз кечиши бәдилигә, иранға йүргүзүлүватқан ембарголарниң әмәлдин қалдурулушини тәклип қилатти.

 2016-йили 16-йанвар йолға қойулған «кәң даирәлик бирликтә һәрикәт қилиш пилани» (KOEP) дәп аталған йадро келишимидин чекинидиғанлиқлирини вә иранға қарши ембарголарниң қайтидин йолға қойулидиғанлиқини елан қилиши билән, америка малийә министирлиқи иранға қарши ембарголарниң 90 вә 180 күнлүк икки басқуч бойичә қайтидин йолға қойулидиғанлиқини билдүргән иди.



مۇناسىۋەتلىك خەۋەرلەر