erdoghanning ziyariti heqqide gérmaniyedin ijabiy bahalar kélishke bashlidi

türkiye awazi radiyosi xewiri: gérmaniye hökümiti muawin bayanatchisi démmér paytext bérlinde chaqirghan axbarat élan qilish yighinida, angéla mérkélning jumhur reis rejep tayyip erdoghan bilen gérmaniye ziyariti jeryanida körüshidighan yaki körüshmeydighanliqi heqqidiki soalgha jawap bérip, mérkélning pirogrammigha alaqidar bayanatini pirinsip boyiche, körishish we uchrishilar ötküzülishtin bir hepte ilgiri élan qilidighanliqini eskertti. 

türkiyening gérmaniyege nisbeten nurghunlighan jehetlerdin yéqin we muhim shérik ikenlikini eslitip ötken démmér, mérkélning türkiye bilen ötküzülidighan uchrishishlargha qétilishqa qiziqidighanliqini qeyt qildi.

gérmaniye tashqi ishlar ministiri héko masmu, albaniye tashqi ishlar ministiri ditmir bushati bilen ötküzgen uchrishishtin kéyin axbaratchilarning soallirigha jawap berdi.

héko mas bir muxbirning «jumhur reis rejep tayyip erdoghanning bérlinde ziyarette bolidighanliqi tilgha élinmaqta. erdoghanning resmiy dölet murasimi bilen qarshi élinishi tenqid qilinmaqta. bu tenqidlerge sizmu qétilamsiz?» dégen soaligha jawaben «yaq» dep jawap qayturdi.

héko mas: «elwette, bir döletning reislikige saylanghan bir kishige uyghun shekilde pozitsiye tutulishi lazim, dep qaraymen» dédi.

gérmaniye metbuatliri türkiye dölet reisi rejep tayyip erdoghanning sintebir éyining axirliri gérmaniyede ziyarette bolidighanliqini ilgiri sürgen idi.

gérmaniye pirézidéntliqi menbe körsitilgen xewerlerde, pirézidént firank waltér sténméyérning erdoghanni xéli burunla gérmaniyege teklip qilghanliqi, biraq ziyaret waqtining téxiche éniq bolmighanliqi bildürülgen idi.