girétsiyediki dala ot aptide qaza qilghanlarning sani 91ge yetti

türkiye awazi radiyosi xewiri: girétsiyening paytexti afénagha yéqin ormanliqta meydangha kelgen dala ot apitide qaza qilghanlarning sani 91ge yetti.

girétsiye ot öchürüsh idarisimu ot apitide yoqap ketken 25 ademdin hazirghiche xewer éliniwalmaywatqanliqini bildürdi.

ot öchürüsh idarisi bayanatchisi stawrola mallari ot apitide yoqap ketken 25 kishini izdesh-qutquzush xizmetlirining dawamlishiwatqanliqini éytti.

mallari jiddiy qutquzushta dawaliniwatqan 4 bimarningmu qaza qilishi bilen apette ölgenlerning sanining 91ge yetkenlikini we apette köyüp ölüp ketken 59 kishining kimlikining éniqlanghanliqini bildürdi.

ot apitide qaza qilghanlarni depne qilish murasimliri dawamlashmaqta.

paytextke texminen 25 kilométir yiraqliqtiki ormanliqta meydangha kelgen ot apiti shamal sewebidin turalghu rayonlarghimu kéngeygenidi.

ot apitide qaza  qilghanlardin sirt 180din artuq adem yarilandi, mingdin artuq öy ziyangha uchridi, yüzlerche aptomobil köyüp külge aylandi.