«erkinlik» namliq paraxottiki paaliyetchilerni qoghdash telep qilindi

norwégiye we shiwétsiyedin bu yil may éyida yolgha chiqqan «erkinlik»namliq paraxot etritige qatnashqan paaliyetchilerni qoghdashqa chaqirildi.

1021544
«erkinlik» namliq paraxottiki paaliyetchilerni qoghdash telep qilindi

türkiye awazi radiyosi xewiri: norwégiye we shiwétsiyedin bu yil may éyida yolgha chiqip bügün etigende ghezzege yétip kélishi kütüliwatqan «erkinlik»namliq paraxot etritige qatnashqan paaliyetchiler alaqidar orunlardin özlirini qoghdashni telep qildi.

ghezzede muhasirini buzup tashlash we ghezzeni qaytidin güllendürüsh memliketlik herikiti bayanatchisi ebu selime, ghezzede  muxbirlarni kütüwélish yighini ötküzgende mundaq dédi: «ishghaliyet küchlirini ghezze muhasirisini bitchit qilish üchün norwégiyedin yolgha chiqqan erkinlik namliq paraxot etritige tosalghu bolmasliq toghrisida agahlandurimiz.»

xelqara jemiyetni bügün etigende ghezzege yétip kélishi kütüliwatqan «erkinlik»namliq paraxot etritige qatnashqan paaliyetchilerni qoghdashqa chaqirghan ebu selime: 15 dölettin 36 paaliyetchi qatnashqan etretni kütüwélishqa teyyarmiz, dédi.

israiliye teripidin 2006-yildin buyan ghezzege yürgüzüp kéliniwatqan émbargolarni bitchit qilish meqsitide 15-mayda norwégiye we shiwétsiyedin yolgha chiqqan «erkinlik»namliq paraxottiki paaliyetchiler, her barghan portlarda israiliyening ghezze muhasirisini chüshendürüp ötti.

«erkinlik»namliq paraxot etriti xelqarada ghezze mesilisige bolghan tonushni östürüsh we jamaet pikiri shekillendürüshni meqset qilidu.


خەتكۈچ: #erkinlik , #israiliye , #ghezze

مۇناسىۋەتلىك خەۋەرلەر