aljiriyede ikki pelestin puqrasining turuwatqan öyidin jesiti tépildi

türkiye awazi radiyosi xewiri: ebu shawish jesiti tépilghan pelestinliklerning ghezzelik ikenlikini we jesitide tayaq izi bayqalmighanliqini bildürdi. 

ölük halette bayqalghan ferraning énisi ömer ferra eng axiriqi qétim akisi bilen 2 kün ilgiri körüshkenlikini éytti.

aljiriye dairiliri ölümning sewebi gazdin zeherlinish bolushi mumkinlikini bildürüp, sulayman el ferraning 7 yildin buyan aljiriyede yashawatqan we siyaset fakultétida baklawérliq oqushi bilen birge soda ishliri bilenmu shughulliniwatqan kishi ikenlikini uqturdi.

muhemmed el bannaning ukisi wail el benna bolsa, akisining aljiriyening wahran shehiride tibbiy mektepte oquwatqanliqini, jüme küni déplomisini testiqlitish üchün aljiriyege kelgenlikini éytti.

shenbe küni etigendin bashlap, benna bilen ferradin xewer alalmighanliqini tilgha alghan wail, kéyin aljiriye dairilirining wapat xewirini yetküzgenlikini éytti.

fetih herikitining aljiriyede turushluq ishxanisi yazma bayanatida, ferraning 33 yashta ikenlikini we aljiriyediki pelestinlik oqughuchilar herikitining bashliqi ikenlikini hemde ölüm sewebining «gazdin zeherlinish» déyiliwatqanliqini uqturdi.

pelestinning aljiriyede turushluq bash elchisi luey isa weqede axaratlarda chiqqan «suyiqestke uchridi» dégen xewerler üstide toxtaldi.  

luey isa aljiriyening suniy hemrah arqiliq tarqitish béridighan bir qaniligha bayanat bérip, «aljiriye pirézidénti we barliq puqraliridin bu tarqalghan sözler heqqide kechürüm soraymen» dédi.

axbaratlarda orun alghan xewerlerning ademning ichini siqidighan derijide ikenlikini bildürgen bash elchi luey isa, «ölümining gazdin zeherlinish sewebidin bolghanliqi éghir salmaqta turmaqta. shundaqtimu qanun doxturlirining axiriqi tekshürüsh netijisini kütüwatimiz» dédi.