«amérika türkiye qararini téxi bermidi»
amérika mudapie ministirliqi-péntagon bayanatchisi oféstir rob menning amérikining türkiyening« F-35» tipliq küreshchi ayropilan pirogrammisigha qatniship qatnashmaydighanliqi toghrisida éniq qarar bermigenlikini éytti.
türkiye awazi radiyosi xewiri: amérika mudapie ministirliqi-péntagon bayanatchisi oféstir rob menning, türk «F-35» küreshchi ayropilanlirining uchquchiliri bilen téxnika xadimlirining pat yéqinda arizonda uchush telim kuruslirigha qatnishidighanliqlirini we amérika hökümitining türkiyening « F-35 »pirogrammisigha qatniship qatnashmaydighanliqi toghrisida téxighiche qarar bermigenlikini bildürdi.
heptilik muxbirlarni kütüwélish yighinida küntertipke munasiwetlik mesililer üstide toxtalghan oféstir menning: türkiyening < F-35 > tipliq küreshchi ayropilanining arizondiki luké hawa armiye bazisigha yétip barghanliqidin xewirimiz bar, türk uchquchiliri we téxnika xadimlirimu luké hawa armiyesi bazisigha yétip kélishti, ular pat yéqinda uchush telim kurslirini bashlaydu, dédi.
kélishim dairiside küreshchi ayropilanlarning bir mehel amérikining nazariti astida bolidighanliqini éytqan menning, bu muddetning ayropilanni sétiwalidighan döletning uchquchilirining telim-terbiyesining tamamlinishigha baghliq ikenlikini we buninggha bir ikki yil kétidighanliqini eskertti.
amérika mejliside « F-35»tipliq küreshchi ayropilanlarni türkiyege sétip bérishni mezmun qilghan qanun layihesining maqullinishigha tosalghu boliwatqanlarning barliqini tekitlep ötken menning mundaq dédi: «amérika hökümiti téxi türkiyening < F-35 > tipliq ortaq hujumchi ayropilan pirogrammisigha qatnishish mesiliside éniq qarar bermidi, türkiye natoning gholluq ezasi bolup, 2002-yildin buyan < F-35 > pirogrammisigha qatniship kelmekte.»
péntagondiki ortaq pirogrammilar ishxanisi bayanatchisi oféstir mayk andréwsmu arizonda telim alghan türk uchquchilarning bir ikki ay ichide resmiy uchushqa bashlaydighanliqlirini éytti.
siyaset özgergen ehwalda türkiyening « F-35» ayropilanlirini sétiwélip sétiwalmaydighanliqi toghruluq soralghan bir soalgha oféstir andréws mundaq jawab berdi: «aliy patala türkiyege < F-35 >ayropilanlirining sétip bérilishige tosalghu boldi, mejlisining birla bélet tashlash hoquqi bar, oxshashla pirézidéntningmu birla bélet tashlash hoquqi bar, siler bu yerde méni tar yerde qistawatisiler.»
