misirda biltajining oghli qolgha élindi
misirda musulman qérindashlar teshkilati rehberliridin höriyet we adalet partiyesining muawin rehbiri muhemmed elbiltajining oghli enes elbiltaji «cheklengen teshkilatqa eza bolush» bilen eyiblinip qolgha élindi.
türkiye awazi radiyosi xewiri: misir dölet xewpsizlik aliy xelq teptish mehkimisi biltajini cheklengen teshkilatqa eza bolush bilen eyiblep 15 künlük nazaret astida tutup turulushqa höküm chiqardi.
ötken mart éyida «2014 – yili 13 – 14 – yanwar künliri ammini namayish meqsitide toplash» jinayiti bilen eyiblinip sotlanghan we ikki yilliq qamaq jazasigha höküm qilinghan enes elbiltajini medinetun nasir naraziliq erzi soti «gunahsiz» dep qarap, qoyup bérilishi toghruluq höküm chiqarghan idi.
buningdin bashqa yene, misir aliy sot mehkimisimu enes elbiltaji üstidin «qoral saqlash» bilen eyiblinip chiqirilghan 5 yilliq qamaq jazasini bikar qilip, qoyup bérilishke höküm chiqarghanidi.
enes elbiltaji bashqa héchqandaq bir jinayet bilen sotlanmaywatatti.
