демистура музакирә дипломатийәсини давамлаштурмақта

б д т (бирләшкән дөләтләр тәшкилати) сүрийә алаһидә вәкили стефан демистураниң сүрийә үчүн өзара музакирә дипломатийәси изчил давам қилмақта.

1000166
демистура музакирә дипломатийәсини давамлаштурмақта

түркийә авази радийоси хәвири: демистура америка, германийә, әнглийә, фирансийә, сәуди әрәбистан вә ийорданийәниң мәсул әмәлдарлири билән шивейтсарийә пайтәхти җәнвәдә сүрийә мәсилиси бойичә көрүшти. б д т ниң җәнвәдики ишханисида ахбаратқа йепиқ шәкилдә йиғин өткүзүлди. йиғинда, б д т хәвпсизлик кеңишиниң 2254-номурлуқ қарари рамкисида сүрийә мәсилисини һәл қилишқа мунасивәтлик җәнвәдики сийасий һәл қилиш мусаписи музакирә қилинди. 

демистура йиғиндин кейин байанат елан қилип, сүрийәниң нөвәттики вәзийити вә өзгириватқан әһваллар тоғрисида өзара пикир алмаштурулғанлиқини билдүрди. у мундақ деди:

"сүрийәниң ғәрбий җәнубида давамлишиватқан һәрбий тиркишишләрдин пәйда болған қайғу-әндишәләр тилға елинди вә зораванлиқларни дәрһал тохтитиш чақириқ қилинди."

у йиғинда йәнә, сүрийәдә сийасий мурәссәниң әмәлгә ешиши үчүн хәлқаралиқ актийорлар оттурисида ортақ асас йаритиш үчүн көрситилгән дипломатик тиришчанлиқларниң давамлишиши тоғрисида өзара пикир алмаштурулғанлиқини билдүрди.

демистураниң йиғинға қатнашқан алтә дөләтниң сийасий мусапә үчүн б д т ни қоллиғанлиқидин мәмнунлуқ һес қилғанлиқини йәнә бир қетим тилға алғанлиқи әскәртилди.

байанатта, демистураниң асасий қанун комитети вә сийасий мусапини техиму кәң даирәдә музакирә қилиш үчүн тәрәпләрни йәнә бир қетим җәнвәгә тәклип қилди.

демистура өткән һәптә астана мусапиниң капаләт бәргүчи дөләтлири болған түркийә, русийә вә иранниң мәсуллири билән җәнвәдә сүрийәдә асасий қанун комитетиниң қурулушини музакирә қилиш үчүн көрүшкән иди.



مۇناسىۋەتلىك خەۋەرلەر