engliye türkiye puqraliri  üchün uzun muddetlik turmush ruxsiti bérish belgilimisini yolgha qoydi

engliye ichki ishlar  ministirliqi engliyede öz kespi bilen shughullinidighan yaki ishleydighan türkiye puqraliri üchün qaytidin uzun muddetlik turmush ruxsiti bérish belgilimisini yolgha qoydi.

993337
engliye türkiye puqraliri  üchün uzun muddetlik turmush ruxsiti bérish belgilimisini yolgha qoydi

türkiye awazi radiyosi xewiri: engliye ichki ishlar ministirliqining bu heqtiki qararnamisige asasen, «enqere kélishimi» dep bilinidighan «yawropa ortaq gewdisi kélishimi» dairiside wiza alghan türkiye puqraliri engliyede uda 5 yil dawamliq turghan we ishligendin kéyin uzun muddetlik turmush ruxsiti üchün iltimas sunalaydiken.

türkiye puqraliri buningdin burunqi belgilimige asasen engliyede uda 4 yil dawamliq turghandin kéyin uzun muddetlik turmush ruxsiti üchün iltimas sunalaytti.

engliye ichki ishlar ministirliqi mart éyida bir sot mehkimisining bu heqte qarar chiqirishidin kéyin, türkiye puqralirigha uzun muddetlik turmush ruxsiti bérish belgilimisini tonglitip qoyghan, öz kespi bilen shughullinidighan türkiye puqralirigha uzun muddetlik turmush ruxsiti bérish hoquqigha érishtüridighan wiza élish belgilimisini yolgha qoyidighanliqini jakarlighanidi.

türkiye 1959 – yili yawropa ittipaqining shu waqittiki ismi bolghan «yawropa iqtisadiy ortaq gewdisi» ge iltimas sunghan, 1963 – yili türkiye puqralirining gewdige eza döletlerde xizmet qilish yaki ishlesh hoquqigha érishelishi üchün wiza élishi mezmun qilinghan «enqere kélishimi» imzalanghandi.

engliyediki türkler bu kélishimge asasen 1 yilliq turmush ruxsiti alghandin kéyin, ruxsitining mudditi toshqanda yene 3 yil uzartalaytti, axirida uzun muddetlik turmush ruxsiti üchün iltimas sunalaytti.



مۇناسىۋەتلىك خەۋەرلەر