трамп: нефит баһасиниң өрләп кетишидики сәвәб «опек» тур

америка қошма иштатлири пирезиденти доналд трамп, нефит баһасиниң йуқири болушиға нефит експорт қилидиған дөләтләр тәшкилати – опекниң сәвәбчи икәнликини ейтти.

992637
трамп: нефит баһасиниң өрләп кетишидики сәвәб «опек» тур

түркийә авази радийоси хәвири: америка пирезиденти доналд трамп иҗтимаий ортақлишиш тори тивиттер адреси арқилиқ байанат берип, «нефит баһалири наһайити йуқири, арқисида йәнә опек бар, бу йахши (әһвал) әмәс» дегәнләрни қәйт қилди.

доналд трамп апрел ейидиму «опек» ни нефит баһасини сүний йоллар арқилиқ өстүрүш билән әйиблигәниди.

нефит експорт қилидиған дөләтләр тәшкилати – опек, нефит баһалири көрүнәрлик дәриҗидә төвәнлигәндин кейин, 2016 – йили нойабирда ишләпчиқиришни қисқартишни қарар қилғаниди. уда бир қанчә қетим муддити узартилған ишләпчиқиришни қисқартиш қарариниң инавәт муддити мушу йилниң ахириғичә давамлишиду.

опекқа әза вә әза әмәс дөләтләр министирлириниң 22-, 23 – ийунда вийеннада чақиридиған йиғинида, ишләпчиқиришқа алақидар қарарниң муқимдилиши күтүлмәктә.



مۇناسىۋەتلىك خەۋەرلەر