демистура мисир ташқи ишлар министири билән сүрийә киризиси үстидә сөһбәтләшти

б д т ниң сүрийә алаһидә вәкили демистура қаһирәдә мисир ташқи ишлар министири шүкри самиһ билән сүрийә киризисини сийасий йол арқилиқ һәл қилиш үстидә сөһбәтләшти.

991230
демистура мисир ташқи ишлар министири билән сүрийә киризиси үстидә сөһбәтләшти

түркийә авази радийоси хәвири: б д т сүрийә алаһидә вәкили стефан демистура қаһирәдә мисир ташқи ишлар министири самиһ шүкри билән көрүшүп, сүрийә киризиси үстидә сөһбәтләшти.

мисир ташқи ишлар министирлиқиниң бу һәқтики йазма байанатида, мисир ташқи ишлар министирлиқида әмәлгә ашқан көрүшүштә, шүкри билән демистураниң сүрийә киризисини сийасий йоллар билән һәл қилиш мәсилилирини музакирә қилғанлиқи билдүрүлди.

байанатта, көрүшүшниң, б д т ниң сүрийә киризисини ахирлаштурулуши вә сийасий йол билән һәл қилиш үстидики издинишләр даирисидә әмәлгә ашқанлиқи қәйт қилинди.

байанатта, б д т ниң қаһирәниң мәсилә һәққидики қарашлириға әһмийәт беридиғанлиқи әскәртилиш билән биргә, демистураниң сүрийәниң нөвәттики вәзийити вә хәлқара сәһниләрдә мәсилини һәл қилиш үчүн бесилған қәдәмләр тоғрисида мисир ташқи ишлар министири шүкри самиһқа мәлумат бәргәнлики билдүрүлди.

байанатта, ташқи ишлар министири шүкри самиһниң мисирниң мәсилини һәл қилиш тәклиплирини демистураға йәткүзгәнлики әскәртилди.



مۇناسىۋەتلىك خەۋەرلەر