7 dölet guruhi trampning tamozhna béji siyasitige naraziliq bildürdi

7 dölet guruhigha eza döletler, amérika pirézidénti donald trampning émport qilinidighan polat we alyumingha yéngi tamozhna béji qoyush siyasitige naraziliq bildürdi.

984634
7 dölet guruhi trampning tamozhna béji siyasitige naraziliq bildürdi

türkiye awazi radiyosi xewiri: dunyaning eng chong iqtisadiy küchidin teshkil tapqan 7 döletning, kanadaning british kolombiye ishtatigha qarashliq wistlér shehiride 3 kün dawamlashqan maliye ministirliri yighini axirlashti.

yighingha riyasetchilik qilghan kanada maliye ministiri bil mornéaw bayanat élan qilip, 7 dölet guruhining amérika qoshma ishtatliridin bashqa alte ezasi bilen yawropa ittipaqi wekilining, trampning soda siyasetlirining «endishe yaratqanliqi» we «ümidsizlik peyda qilghanliqi» ni bildürgenlikini élan qildi.

ministir bil yighinning ortaq xulase doklatida, 7 dölet guruhining alte ezasi bilen yawropa ittipaqining amérika qoshma ishtatlirining yéngi tamozhna béjigha qarshi birleshkenlikini eskertti.

u washingtongha chaqiriq qilip, baj qararining emeldin qaldurulushini, amérika xezine ishliri ministiri stéwén mnuchindinmu 8 -, 9 – iyun künliri kanadada chaqirilidighan 7 dölet guruhi bashliqlar yighinidin burun bu sözlirini pirézidént trampqa yetküzüshini telep qildi.



مۇناسىۋەتلىك خەۋەرلەر