ھاماس ئىسرائىلىيە بىلەن ئەسىر ئالماشتۇرۇش سۆھبىتى ئۆتكۈزۈۋاتقانلىقى توغرىسىدىكى خەۋەرلەرنى رەت قىلدى

تۈركىيە ئاۋازى رادىيوسى خەۋىرى: ھاماس سىياسىي ئىشلار بىيۇروسى ئەزاسى خەلىل ھەييە يازما بايانات ئېلان قىلىپ، ئىسرائىلىيە بىلەن ئەسىر ئالماشتۇرۇش توغرىسىدا سۆھبەت ئېلىپ بېرىلىۋاتقانلىقى ھەققىدىكى دەۋالارنى رەت قىلدى ۋە مەزكۇر خەۋەرلەرنىڭ ئىسرائىلىيە دائىرىلىرىنىڭ «خەلقنى ئالداش تىرىشچانلىقلىرىنىڭ بىر پارچىسى» ئىكەنلىكىنى قەيت قىلدى.

ئىسرائىلىيە باش مىنىستىرى بۇنيامىن نېتانياھۇ ئۆتكەن ئاي غەززەدىكى ئەسىرلەرنى قايتۇرۇپ ئېلىش ئۈچۈن دىپلوماتىك جەھەتتىن كۈچ چىقىرىۋاتقانلىقلىرىنى ئېلان قىلغانىدى.