نىگېرىيەدە بوكو ھارام تېررورچىلىرى ساقچىلارغا ھۇجۇم قىلدى

تۈركىيە ئاۋازى رادىيوسى خەۋىرى: غەربىي ئافرىقا دۆلىتى نىگېرىيەدە بوكو ھارام تەشكىلاتى تەرىپىدىن ئېلىپ بېرىلغان ھۇجۇمدا 5 ساقچى ئۆلدى.

نىگېرىيە دۆلەتلىك جىددىي ئەھۋاللارغا تاقابىل تۇرۇش ئىدارىسىگە قاراشلىق بورنو كوردىناتورى گاربا، بوكو ھارام تەشكىلاتىنىڭ نىگېرىيەنىڭ شەرقىي شىمالىغا جايلاشقان كوندۇگادا بىر كونترول ئېغىزىغا ھۇجۇم قىلىپ 5 ساقچىنىڭ جېنىغا زامىن بولۇپ، نۇرغۇن ئادەمنى يارىلاندۇرغانلىقىنى ئۇقتۇردى.

گاربا يارىلانغانلارنىڭ دوختۇرخانىغا ياتقۇزۇلغانلىقىنى ئېيتىپ،  ۋەقە ئۈستىدە تەكشۈرۈش ئېلىپ بېرىلىۋاتقانلىقىنى بىلدۈردى.

نىگېرىيەدە 2000-يىللاردىن بۇيان «پائالىيەت» قىلىپ كېلىۋاتقان بوكو ھارام تەشكىلاتى، كاتتىبېشى مۇھەممەد يۇسۇف نازارەت ئاستىدىكى ۋاقتىدا ئۆلۈپ كېتىشىدىن كېيىن 2009-يىلدا كەڭ كۆلەملىك تېررورلۇق ھۇجۇملىرى سادىر قىلىشقا باشلىدى.

نىگېرىيەدىكى تېررورلۇق ھۇجۇملىرى ۋە توقۇنۇشلىرى سەۋەبىدىن يۈز مىڭلارچە ئادەم كۆچۈشكە مەجبۇر بولدى.