хитайда йуқири дәриҗилик бир әмәлдар муддәтсиз қамаққа һөкүм қилинди

хитайда парихорлуқ билән әйибләнгән сабиқ сийасәтчи сун җиңсәй тйәнҗен шәһәрлик сот мәһкимиси тәрипидин муддәтсиз қамаққа һөкүм қилинди.

966116
хитайда йуқири дәриҗилик бир әмәлдар муддәтсиз қамаққа һөкүм қилинди

түркийә авази радийоси хәвири: шинхуа агентлиқиниң бу һәқтики хәвиригә асасланғанда, тйәнҗен шәһәрлик оттура хәлқ сот мәһкимиси сун җиңсәйни 2017-2002-йиллири арисида пайтәхт бейҗиң, чоңчиң шәһири вә җилин өлкисидә вәзипә өтәш җәрйанида 170 милйон йүән (тәхминән 26.7 милйон доллар) пара елиш вә хийанәт қилиш җинайәтлири билән әйибләп, өмүр бойи сийасий һоқуқидин мәһрум қилиш, барлиқ мал-мүлки вә қанунсиз йоллар билән қолға кәлтүргән мал-бесатлирини мусадирә қилиш һәққидә һөкүм чиқарған.

сун җиңсәй бу йил 54 йаш болуп, у өткүзгән җинайәтлири сәвәбидин пушайман қилғанлиқини вә йуқири сотқа әрз сунмайдиғанлиқини билдүргән.

сун җиңсәй 2017-йили ийулда чоңчиң шәһәрлик парткоминиң секретарлиқ вәзиписини өтәватқанда тәкшүрүлгән болуп, сентәбир ейида хитай компартийәсидин қоғлап чиқирилип, һоқуқидин елип ташланған иди.

ши җинпиң хитай рәиси болған 2013-йилдин буйан парихорлуққа қарши күрәшни дөләтниң әң муһим күнтәртипи қилип көрсәтмәктә. хитай компартийәси мәркизий интизам тәкшүрүш комитети 2017-йили парихорлуққа қарши һәрикәт даирәсидә, 159 миң дөләт хадимиға һәр хил җазаларниң берилгәнликини елан қилған иди.



مۇناسىۋەتلىك خەۋەرلەر