икки корейә рәһбири панмунҗомда көрүшти

шималий корейә рәһбири ким җоңун билән җәнубий корейә пирезиденти мун җаинниң тарихий әһмийәткә игә учришишидин иҗабий хәвәрләр кәлди.

959671
икки корейә рәһбири панмунҗомда көрүшти

түркийә авази радийоси хәвири: икки корейә рәһбири чеградики панмунҗом уруш тохтитиш йезисиға җайлашқан тинчлиқ өйидә көрүшти. ким җоңун билән мун җаинниң дәсләптә қол сиқишип көрүшүши вә җәнубий корейә әскәрлиридин тәшкилләнгән һөрмәт қаравуллириға салам қилиши билән башланған учришишта, ким җоңун тинчлиқ өйидики хатирә дәптиригә имза қойди.

ким җоңун: «һазирдин башлап йеңи тарих башланди, тинчлиқ дәвриниң тарихий башланғуч нуқтисида» дәп йазди.

пилан қилинған пирограммидин 15 минут бурун башланған учришишқа, шималий корейә рәһбири ким җоңунниң феврал ейида җәнубий корейәгә алаһидә вәкил қилип әвәткән сиңлиси ким йоҗоңму қатнашти.

ким җоңун учришишниң ахбаратқа ечиветилгән бөлүмидә, җәнубий корейә пирезиденти мун җаин билән өткүзүлидиған учришишниң, очуқ-йоруқ, сәмимий вә дуруст болидиғанлиқини әскәртип, учришиштин йахши нәтиҗә елишни үмид қилидиғанлиқини ейтти. у: «учришишниң бурунқиға охшаш иҗра қилалмиған нәтиҗилири болушиниң орниға, келәчәккә қәтий ирадә билән қариған, бирликтә қолни қолға тутушуп маңалайдиған пурсәт болушини үмид қилимән» деди.

у җәнубий корейә пирезиденти мун җаинға, өзи билән көрүшкәнликигә тәшәккүр ейтти вә «бу тарихий йәрдә» болғанлиқидин интайин һайаҗанланғанлиқини билдүрди.

җәнубий корейә пирезиденти мун җаин ким җоңунға, учришиш өткүзүшни қобул қилғанлиқи үчүн тәшүккүр ейтип: «рәис ким җоңун һәрбий линйәдин өтти. буниң билән, панмунҗом бөлүнүшниң әмәс, бәлки тинчлиқниң символи болди» деди.

мун җаин дунйаниң диққитиниң панмунҗомға мәркәзләшкәнликини әскәртип, чәт әлләрдики пуқралар вә икки дөләт хәлқлириниң учришиштин үмидиниң чоң икәнликини қәйт қилди. мун җаин учришиштин келишим түзүш мәқситигә йетишни, дунйадики тинчлиқни арзу қилидиған һәммә киши вә өз хәлқлири үчүн катта һәдийә болушини тиләйдиғанлиқини билдүрди.

учришиш ахирлашқандин кейин, ким җоңун қара рәңлик пикапқа олтуруп панмунҗом йезисиниң шималиға өтти.

 чүштин кейинму икки рәһбәр учришишини давам қилиду, тәрәпләр чүштин кейин көчәт тикиду. икки дөләттин елип келингән тупрақ билән қариғай көчити тикилидиған җайниң йениға, «бу йәргә тинчлиқни вә параванлиқни тикимиз» дегән хәт йезилған хатирә теши орнитилиду. икки дөләт рәһбәрлири бир күнлүк учришишниң хуласисини ахбарат йиғинида елан қилиштин бурун, бирликтә қисқа пийадә йүрүгән һалда сөһбәтлишиду, учришиш мун җаинниң кәчлик тамақ зийапитидин кейин ахирлишиду.

җәнубий корейә даирилири бурун елан қилған байанатлирида, мун җаин билән ким җоңунниң учришишида, корейә йерим арилиниң қайтидин бирлишиши, икки корейә мунасивәтлириниң йахшилиниши вә йадродин тазилаш мәсилилириниң музакирә қилинидиғанлиқини елан қилған иди.         



مۇناسىۋەتلىك خەۋەرلەر