yadro qorallirini ishlitishning xetiri köpeymekte
b d t (birleshken döletler teshkilati) yadro qoralsizlinish teshkilatining aliy wekili izumi nakamitsu yadro qorallirini ishlitish xetirining éshiwatqanliqi toghrisida agahlandurdi.
türkiye awazi radiyosi xewiri: yadro qorallirini cheklesh ehdinamisi (NPT) ge munasiwetlik xelqaraliq konférans b d t ning jenwediki ishxanisida bashlandi.
b d t yadro qoralsizlinish aliy wekili nakamitsu konféransning échilishida söz qilip, yéqinqi mezgillerde éshiwatqan yadro qorallirining zörür ikenliki toghrisida otturigha chiqiwatqan gep-sözlerni eyiblidi.
u: «yadro qorallirining zörürlüki we paydisi toghrisida qiliniwatqan gep-sözler köpiyiwatidu. yadro qorallirini ishlitish heqqidiki tehditler qestenlik bilen yaki oxshimighan shekilde barghanséri chongiyiwatidu. pütün insaniyetke munasiwetlik bolghan mezkur tehdit, yadroluq qorallar milliy qorallarning ichidin orun alghan halda dawam qilidu» dédi.
u amérika hökümitining iran bilen yadro kélishimini bikar qilidighanliqi toghrisidiki bayanatlar üstidimu toxtaldi. u konféransqa ishtirak qilghan barliq eza döletlerge kélishimni ijra qilishni we uzun muddetlik qoghdashni chaqiriq qildi.
yadro qorallirini pütkül dunyada yoq qilish we yéngilirini chekleshni meqset qilghan yadro qorallirini cheklesh ehdinamisi, 2017-yil iyulda 122 döletning qollishi bilen qobul qilinghan idi.
yadro qorallirigha ige bolghan b d t xewpsizlik kéngishige daimiy eza bolghan amérika, engliye, rusiye, firansiye we xitay, ehdinamisige qarshi chiqip, munasiwetlik muzakirelerge we bélet tashlashqa qatnashmighan idi.
b d t ning jenwediki ishxanisi ötküzülüwatqan konférans 4-may axirlishidu.
