«қийамәт күни» немә үчүн көккә көтүрүлди?

американиң «қийамәт күни» дәп билинидиған «E-4B» типлиқ «Nightwatch» (кечә нөвити) айропиланиниң көккә көтүрүлгәнлики һәмминиң диққитини қозғиди.

949692
«қийамәт күни» немә үчүн көккә көтүрүлди?

түркийә авази радийоси хәвири: американиң «қийамәт күни» дәп билинидиған «E-4B» типлиқ кечә нөвити айропиланиниң көккә көтүрүлгәнлики илгири сүрүлди.

E-4B типлиқ кечә нөвити айропилани америка һава армийәсиниң хизмитидики бойин «200-747» типлиқ айропиланларниң йадро һуҗумиға учраш еһтималиға қарши қоманданлиқ мәркизий қилип ишлитиш мәқситидә лайиһәлинип йасалған.

E-4B типлиқ кечә нөвити айропилани йеқилғуси тәминләнгән әһвалда толуқ бир һәптә асманда учалайду. айропиланниң үстигә орнитилған әслиһәләр йадро партлишиниң зийинидин қоғдийалайду.

америка даирилири тәрипидин E-4B типлиқ кечә нөвити айропиланиниң немә үчүн көккә көтүрүлгәнлики тоғрисида ениқ мәлуматлар берилмиди. бу айропиланлар америка пирезидентниң чәт әл сайаһитидә һәмраһ болидиғанлиқи билинәтти.

бу җәрйанда, америка деңиз армийәсиниң ақдеңизға әвәткән «USS Harry Truman» намлиқ авийаматка вә униңға һәмраһ болған башқа һәрбий парахотлар вирҗинийә иштатидики норфолк һәрбий портидин айрилди. хәлқаралиқ агентлиқларниң дунйаға тарқатқан фотографларда, миңларчә америка әскәрлириниң аилилири билән видалишиватқанлиқи көрүлди.

германийәниң «FGS Hessen» намлиқ һәрбий парахотиму, америка авийаматкисиға һәмраһ болуш үчүн ақдеңизға қарап илгирилиди.



مۇناسىۋەتلىك خەۋەرلەر