shiwéytsariyede saqchilar térrorluq teshkilatigha mudaxile qildi

shiwéytsariyening paytexti bérnde bölgünchi térrorluq teshkilati  y p g/p k k ning qanunsiz namayish ötküzgen tererdarlirigha saqchilar pilastik oq ishlitip mudaxile qildi.

947086
shiwéytsariyede saqchilar térrorluq teshkilatigha mudaxile qildi

türkiye awazi radiyosi xewiri: türkiye armiyesining süriyede dawamlishiwatqan «zeytun shéxi» herbiy herikitini bahane qilip, uda birqanche aydin buyan shiwéytsariyede ruxsetsiz namayishlarni ötküzüwatqan térrorluq teshkilati y p g/p k k terepdarliri bu qétim saqchilarning qattiq mudaxilisige duch keldi.

paytext bérn kochilirini qalaymiqan qiliwetken y p g/p k k terepdarlirigha pilastik oq ishlitip mudaxile qilghan bérn saqchiliri, 239 kishini qolgha aldi.

shiwéytsariye taratqulirining xewer qilishiche, texminen 400 kishilik y p g/p k k terepdarliri bérn poyiz istansisidin parlamént binasigha qarap mangghan.

saqchilarning qolgha élinishqa seweb bolidighan heriketlerdin özlirini qachurushi toghrisidiki agahlandurushlirigha qulaq salmighan térrorchilarning terepdarliri, anche uzun ötmeyla bérn sheher merkizide zorawanliq qilishqa bashlighan. qollirigha éliwalghan her xil nersiler bilen parlamént binasigha ziyan yetküzgen térrorluq teshkilati terepdarlirigha saqchilar pilastik oq ishlitish  arqiliq mudaxile qilip tarqitiwetken.

y p g/p k k ning qollighuchiliri sheherde qalaymiqanchiliq tughrudup, yüz minglarche shiwéytsariye franki ziyan salghan. saqchilar 63 ayalni öz ichige alghan 239 kishini qolgha alghan.

saqchilar tarqitiwetken namayishchilar yérim kéchidimu paytextning herqaysi jaylirida kichik guruppilargha bölünüp dawamliq zorawanliq qilghan.

shiwéytsariye taratquliri y p g/p k k terepdarlirining shiwéytsariyede tunji qétim zorawanliq heriketlirini élip barmighanliqini, féwral éyidimu türkiyening zurix bash konsulxanisigha hujum qilghanliqini xewer qildi.

igilinishiche, «zeytun shéxi» herbiy herikiti bashlanghan 20 – yanwardin buyan shiwéytsariyening herqaysi sheherliride ruxsetsiz namayishlarni ötküzüp kéliwatqan y p g/p k k terepdarliri tunji qétim shiwéytsariye saqchilirining qattiq mudaxilisige duch kelgen.



مۇناسىۋەتلىك خەۋەرلەر