üch terep bashliqlar yighini bashlandi
«süriye» témiliq türkiye – rusiye – iran üch terep bashliqlar yighini paytext enqerede bashlandi.
türkiye awazi radiyosi xewiri: jumhur reis rejep tayyip erdoghan, rusiye pirézidénti wiladimir putin we iran pirézidénti hesen ruhanining ishtirak qilishida chaqirilghan yighin jumhur reislik sariyida dawamlashmaqta.
diplomatik menbelerning bildürüshiche, tünügün yuqiri derijilik rehbiriy kadirlar bir yerge jem bolup, yighindin kéyin élan qilinishi pilanlanghan ortaq bayanname toghruluq xizmet ishligen bolup, bayannamide, süriyediki mewjut urush toxtitish paaliyetlirini dawamlashturush, süriyening zémin pütünlükini qoghdash we süriyening herqaysi jayliridiki urush toxtitish kélishimlirige xilapliq qilish qilmishliri qatarliq buningdin burunqi bayannamilerde birdeklik hasil qilinghan mesililerning aldinqi pilangha qoyulushi kütülmekte iken.
melumatlargha qarighanda, yighin dairiside ishqa ashurulghan yuqiri derijilik rehbiriy kadirlar uchrishishida, süriye mesiliside qandaq qedemlerning tashlinishigha qarita ishtirakchi döletler sunidighan teklipler, bügün türkiye, rusiye we iran tashqi ishlar ministirliri yighinida sunulghan.
tashqi ishlar ministiri mewlüt chawushoghlu, rusiye tashqi ishlar ministiri sérgéy lawrow we iran tashqi ishlar ministiri muhemmed jewad zarif nashtiliq ziyapettete bu tekliplerge qarap chiqqan.
tashqi ishlar ministirliri yighinidin kéyin élan qilinidighan bayannamining, üch dölet rehberliriningmu testiqidin ötüshi kütülmekte iken.
«türkiye – rusiye – iran üch terep bashliqlar yighini» gha sahibxaniliq qiliwatqan jumhur reis rejep tayyip erdoghan, xizmet ziyapitidin kéyin, rusiye pirézidénti wiladimir putin we iran pirézidénti hesen ruhani bilen birlikte qoshma axbarat élan qilish yighini ötküzidiken.
«süriye» témiliq üch terep bashliqlar yighini buningdin burun 22 – noyabir küni erdoghan, putin we ruhanining ishtirak qilishida rusiyening sochi shehiride chaqirilghanidi.
igilinishiche, «süriye» témiliq üch terep bashliqlar yighini dairiside rehberler ayrim – ayrim körüshken؛ aldi bilen jumhur reis rejep tayyip erdoghan bilen iran pirézidénti hesen ruhani, kéyinche, rusiye pirézidénti wiladimir putin bilen ruhani bir yerge jem bolghan.
uchrishishlarda, ikki terep munasiwetliridin sirt yene, rayonluq we xelqaraliq munasiwetler toghriliqmu özara pikir almashturulghan.
