p k k perqliq namlar astida sinjardiki mewjutluqini dawamlashturmaqta

térrorluq teshkilati p k k gha qarashliq her xil namlar astidiki qoralliq guruppilarning sinjarda mewjutluqini dawamlashturuwatqanliqi bildürüldi.

939846
p k k perqliq namlar astida sinjardiki mewjutluqini dawamlashturmaqta

türkiye awazi radiyosi xewiri: iraqning musul wilayitige qarashliq sinjar nahiyeside wezipe ötewatqan peshmerge qomandanliridin qasim shesho, bölgünchi térrorluq teshkilati p k k gha qarashliq her xil namlar astidiki qoralliq guruppilarning rayondiki mewjutluqini dawamlashturuwatqanliqini éytti.

qol astidiki eskerler bilen birlikte sinjar nahiyesige yéqin jaygha kélip orunlashqan qasim shesho, «p k k gha qarashliq qoralliq guruppilar perqliq namlar astida shengal (sinjar) da mewjudiyitini dawamlashturup, heshdushshebi bilen hemkarliq ornatmaqta» dégenlerni qeyt qildi.

iraq armiyesining sinjar nahiye merkizi we sinun bazirigha teltüküs orunliship bolghanliqini bildürgen shesho, «biraq, p k k gha qarashliq qoralliq guruppilarning shengaldin chiqip kétidighan – ketmeydighanliqi hazirche éniq emes» dédi we sözini dawamlashturup, «shengaldiki qoralliq guruppilarning sani mingdin artuq bolup, köp sanliqi rayondiki ezidilerdin terkip tapidu» dégenlerni qeyt qildi.

iraq birleshme herbiy heriketler qomandanliqi bayanatchisi birigada générali yehya resul, yekshenbe küni 15 – birégadagha qarashliq qisimlarning éghir tipliq qorallar bilen sinjar nahiyesi we sinun bazirigha bérip, p k k chékingen jaylargha orunlashqanliqini bildürgenidi.

bölgünchi térrorluq teshkilati p k k, 2014 – yili 3 – awghustta daéshning sijardiki ezidilerge hujum qilishini bahane qilip, rayonda bash kötürüshke bashlighanidi.


خەتكۈچ: #iraq , #sinjar , #p k k , #musul

مۇناسىۋەتلىك خەۋەرلەر