iraq bash ministiri: térrorluq teshkilati p k k sinjardin chékindi

iraq bash ministiri heyder elibadi térrorluq teshkilati p k k ning musul wilayitining sinjar nahiyesidin chékinip chiqip ketkenlikini éytti.

939007
iraq bash ministiri: térrorluq teshkilati p k k sinjardin chékindi

türkiye awazi radiyosi xewiri:  ibadi paytext baghdadta ötküzülgen heptilik axbarat élan qilish yighinida qilghan sözide, térrorluq teshkilati p k k ning iraqning  musul wilayitining sinjar nahiyesidin pütünley chékinip chiqip ketkenlikini, iraq dölet xewpsizlik küchlirining nahiyede  amanliqni saqlatqanliqini, rayonning bixeterlikini qoghdash üchün süriye chégrasighiche zapas qisimlarni ewetkenliklirini tekitlep mundaq dédi: «sinjarda iraq bayriqining sirtida héchqandaq bir chet el dölitining bayriqining qadilishigha, iraq küchliri sirtida héchkimning qoral - yaragh élip yürüshige ruxset qilmaymiz, héchkimning térrotériyemizni ishlitip qoshna döletlerge hujum qilishigha asasiy qanunimizgha asasen qetiy yol qoymaymiz.»

bash ministir binali yildirim bilen élip barghan téléfon uchrishishi toghriliqmu toxtalghan ibadi, «téléfon uchrishishida, türkiye bash ministiri  yildirim enqerening iraqning chégra we igilik hoquqigha hörmet qilidighanliqini tekitlidi» dédi.

ibadi iraqtiki chet el küchlirige alaqidar soalgha jawab bergende, «quruqluqta héchqandaq chet el küchi yoq. iraqtiki chet el herbiy baziliri dölet xewpsizlik küchlirimiz teripidin kontirol qilinmaqta. dölet xewpsizlik küchlirimizni terbiyelesh we arqa sep teminati xizmiti üchün bizning dawamliq chet el küchlirige éhtiyajimiz bar» dédi.


خەتكۈچ: #iraq , #bash ministir , #p k k , #musul , #sinjar

مۇناسىۋەتلىك خەۋەرلەر