amérika: p k k ning sinjardin chékingenlikini körüshni xalaymiz

amérika qoshma ishtatliri mudapie ministiri jéyms mattis, bölgünchi térrorluq teshkilati p k k ning iraqning sinjar rayonidiki mewjudiyitining türkiyege xewp ikenlikini bildürüp, «p k k ning sinjar rayonidin chékingenlikini körüshni xalaymiz» dédi.

939195
amérika: p k k ning sinjardin chékingenlikini körüshni xalaymiz

türkiye awazi radiyosi xewiri: jéyms mattis amérika mudapie ministirliqi – péntagonning metbuat ishliri ishxanisini ziyaret qilip metbuatqa bayanat berdi. u, muxbirlarning soallirigha jawab bérishtin  ilgiri iraqning shimaligha jaylashqan sinjar rayonidiki p k k térrorluq teshkilatining mewjudiyiti toghrisida toxtilip, «p k k ning shimaliy iraq chégrasining u teripigila jaylashqan sinjarda türkiyege qarita tehditi bar. silermu bilisiler, p k k amérika qoshma ishtatliri teripidin bir térrorluq teshkilati, dep qarilidu. (ular) nurghun bigunah türkni öltürdi we (biz) p k k ning sinjar rayonidin chékingenlikini körüshni xalaymiz» dédi.

jéyms mattis, türkiyening p k k unsurlirigha qarshi sinjar rayonida élip barghusi herbiy herikitini amérika qoshma ishtatlirining qollap – qollimaydighanliqi toghrisidiki bir soalni kélechektiki herbiy heriketler toghrisida melumat bermeydighanliqini éytip jawabsiz qaldurdi.

türkiyening süriyening afrin rayonidiki ornini mustehkemleshni dawamlashturuwatqanliqini bildürgen mattis, munbichke qarita herqandaq bir heriket élip bérilghanliqini körmigenliklirini, bu rayon toghrisidiki türkiye bilen ötküzülüwatqan söhbetlerning  héchqandaq tosalghusiz dawamlishiwatqanliqini qeyt qilghan halda, «buni hel qilidighanliqimizgha ishinimen. buningdin ilgirimu qiyin peytlirimiz bolghanidi» dédi.

u, «türkiyening munbichqa alaqidar niyiti éniq. türkler munbichke kirip, (bölgünchi térrorluq teshkilati p k k ning u yerdiki gumashtisi) y p g unsurlirini nahiyedin chiqirishni xalaydu.  buninggha qarita amérika qoshma ishtatlirining qandaq teklipi bar? amérika qoshma ishtatliri qaysi teklip bilen u rayonda turuwatidu?» dégen soalgha «türkiye bir nato shérikidur, biz bir – birimizning yénida turduq. süriyede bolupmu bezi mesililerde éghir kélishelmesliklirimiz boldi. lékin, bular uchrishishlirimizning ochuqluqi we quyuqliqigha tesir körsetmidi. buningdinmu halqiymiz. buningdin ilgirimu dep ötkinimdek, (men) bu heqte taratqular arqiliq sözlishishtinmu bekrek (türk emeldarlar bilen) yüzturane we qarimuqarshi olturush sözlishishni tallaymen. bu türkler üchün nahayiti sezgür mesile. p k k térrorchilirining qolida ölgen nurghun bigunah kishiliri bar. bizning u yerde (süriyede) qiliwatqinimiz, daéshni yoqitishtur. qalaymiqan urush saheside barliq toqunushuwatqan éqimlarni hésabqa élishqa mejburmiz» dédi.



مۇناسىۋەتلىك خەۋەرلەر