боснийә-гертсеговинада кәлкүн апити йүз бәрди
боснийә-гертсеговинаниң бир қисим районлирида кәлкүн апити йүз бәрди.
түркийә авази радийоси хәвири: боснийә-гертсеговинаниң гирадиска, козарска дубика шәһәрлири билән врбаска, бистрика вә гираниска йезилирида сава дәрйасиниң тешип кетиши нәтиҗисидә кәлкүн апити йүз бәрди.
кәлкүндә нурғун өй вә иш орни зийанға учриди.
боснийә-гертсеговинаниң шималий районлирида йашайдиған аһалиләр температура өрләп кетиши сәвәбидин тағдики қарларниң ерип кетиватқанлиқини, шуңа бу әһвалниң еғир ақивәтләрни кәлтүрүп чиқиришидин әндишә қиливатқанлиқлирини билдүрмәктә.
гирадиска шәһәрлик һөкүмити аммиви қоғдаш ишханиси башлиқи силободан кинезевик сава дәрйасиниң су сәвийәсиниң йуқирилап кәткәнликини әскәртип мундақ деди: «дәрйаниң тешип кетиши нәтиҗисидә врбаска, бистрика вә гираниска йезилири хәтәрлик вәзийәткә дуч кәлди.»
районда техиму еғир кәлкүн апитиниң йүз бериш еһтималлиқини көздә тутуп бир қатар тәдбирләрниң елинғанлиқини ейтқан силободан кинезевик йәнә мундақ деди: «аһалиләргә қум халтилири тарқитип бәрдуқ, бирақ дәрйаниң сүйи толиму шиддәтлик боливатиду.»
билдүрүлүшичә, киродийәниң оттура қисмиға җайлашқан җасеновак районидиму дәрйаниң тешип кетиши нәтиҗисидә кәлкүн мәйданға келип сава дәрйасиниң су сәвийәси нормал сәвийәдин 10 сантиметир өрләп кәткән.
