رۇسىيە ترامپ بىلەن كىم جوڭئۇننىڭ كۆرۈشۈشىنى قوللىدى

تۈركىيە ئاۋازى رادىيوسى خەۋىرى: رۇسىيە تاشقى ئىشلار مىنىستىرى لاۋروۋ ئافرىقا زىيارىتى دائىرەسىدە زىيارەتتە بولۇۋاتقان ئېفىيوپىيە پايتەختى ئەددىس ئەبېبەدە ئۆتكۈزۈلگەن ئورتاق ئاخبارات ئېلان قىلىش يىغىنىدا، ترامپ-كىم جوڭئۇن كۆرۈشۈشى توغرىسىدا توختالدى.

ئۇ: «بۇ ئالدى بىلەن توغرا يۆنۈلۈشكە قاراپ بېسىلغان قەدەم، كۆرۈشۈشنىڭ ئەمەلگە ئېشىشىنى ئۈمىد قىلىمەن، شىمالىي كورېيە يېرىم ئارىلىدىكى ۋەزىيەتنى نورماللاشتۇرۇش ئۈچۈن بۇنىڭغا ئېھتىياج بار» دېدى.

ئۇ تەرەپلەر ئارىسىدا ھەسىل قىلىنغان پىكىر بىرلىكىنى خۇشاللىق بىلەن قىزغىن قارشى ئالىدىغانلىقلىرىنى، رۇسىيەنىڭمۇ جىددىيچىلىكنى پەسەيتىش، كورېيە يېرىم ئارىلىدىكى يادرو مەسىلىسى پەيدا قىلغان يۇقىرى بېسىملىق ئاتموسفېرانى تارقىتىش ئۈچۈن دىيالوگ ئورنىتىلىشى كېرەكلىكىنى بىلدۈردى.