qatar bilen chad diplomatik munasiwetlerni eslige keltürüshni qarar qildi
qatar bilen chad pars qoltuqi kirizisining bashlirida üzülüp qalghan diplomatik munasiwetlerni eslige keltürüsh toghrisida kélishim imzalidi.
türkiye awazi radiyosi xewiri: qatar tashqi ishlar ministiri sheyx muhemmed bin abdurrahman bin jasim al sani bilen chad tashqi ishlar ministiri muhemmed zeyn sherif qatar tashqi ishlar ministirliqi binasida körüshüp, diplomatik munasiwetlerni eslige keltürüsh toghrisida kélishim imzalidi.
kélishimning rohigha asasen, diplomatik munasiwetler eslige keltürülidu we ikki dölet bash elchiliri xizmet orunlirigha qaytidu.
seudi erebistan, ereb birleshme xelipiliki, misir we behreyn dairilirining 2017 - yili 5 iyunda qatar bilen barliq diplomatik munasiwetlerni üzüp tashlighanliqini élan qilishi we iqtisadiy jehette muhasirige élish siyasitini yolgha qoyushi pars qoltuqi rayonida kirizis peyda qilghanidi.
chad, qatarni liwiye zéminliri arqiliq dölitining muqimliqigha ziyan yetküzüsh bilen eyiblep, 2017 – yili 23 – awghustta bu döletning elchixanisini taqap, qatarliq diplomatlargha 10 kün ichide chadtin chiqip kétish möhliti bergenidi.
