ruhani: xelqni erkin qoyuwéteyli, ularning xususiy hayatigha mudaxile qilmayli

iran pirézidénti hesen ruhani, dölitidiki erkinlik we xususiy hayatning xupyaniliqini saqlap qélishqa kapaletlik qilish toghrisida toxtaldi.

908926
ruhani: xelqni erkin qoyuwéteyli, ularning xususiy hayatigha mudaxile qilmayli

türkiye awazi radiyosi xewiri: iran pirézidénti hesen ruhani, dölitidiki  erkinlik we xususiy hayatning xupyaniliqini saqlap qélishqa kapaletlik qilish toghrisida toxtilip, «kishilerni erkin qoyuwéteyli, xelqning xususiy hayatigha mudaxile qilmayli. chünki, kishilerning xususiy hayati ularning özliri bilidighan ishtur» dédi.

hesen ruhani iran inqilabining 39 yilliqini xatirilesh munasiwiti bilen azadi meydanida ötküzülgen yighilishta küntertiptiki mesililer toghrisida toxtaldi.

u, saylamlargha ehmiyet bérish, xelqning tallishigha hörmet qilish we kishilerning dunya qarishining qandaq bolushidin qetiynezer, saylash we saylinish hoquqining bolushining muhimliqigha isharet qilghan halda, organlarning we erklerning xelqning saylishi asasida belgilinishi lazimliqini qeyt qildi.

ruhani, islamda 40 ademning ölgen bir ademning arqisidin «yaxshi adem idi» déyishining étibargha élinidighanliqini xatiriletken halda, iranda 400 kishining, keng qatlamning yaki milyonlarche insanning bir namzatni «yaxshi» déyishiningmu yéterlik derijide qobul qilinishi lazimliqini tekitlep ötti.

xelqke ishinishning we buning üchün qanuniy imkaniyetlerni yaritip bérishning zörürlükini eskertken ruhani, «iran xelqining wekili bolush süpitim bilen, bu qarashni otturigha qoyuwatimen. xelqning saylamlargha ishtirak qilishini asanlashturushimiz kérek» dédi.

ruhani, xelqning hakimiyetke téximu köp hesse qoshushini kapaletke ige qilish üchün, zörür tépilsa qanun yaki höjjet chiqirilishi lazimliqini tekitlep ötti.

barliq kishilerning öz pikri we pozitsiyesini saqlap qalghan asasta saylamlargha ishtirak qilishining muhimliqigha isharet qilghan hesen ruhani, parlamént, kéngeshler, mutexessisler mejlisi, asasiy qanun qurghuchilar kéngishi we jumhur reislik saylimi qatarliqlarning téximu erkin shert – sharait astida ötküzülüshini lazimliqini sözlirige ilawe qildi.


خەتكۈچ: #iran , #ruhani , #erkinlik , #saylam

مۇناسىۋەتلىك خەۋەرلەر