gérmaniyede birleshme hökümet qurush muzakiriliride ilgirilesh hasil boldi
gérmaniyede her qaysi partiyeler birleshme hökümet qurush muzakiriliride birdeklik hasil qilid.
türkiye awazi radiyosi xewiri: gérmaniyede her qaysi partiyeler birleshme hökümet qurup chiqish muzakiriliride pirinsipalliq mesililer üstide kélishti.
bash ministir angéla mérkél bashchiliqidiki xiristiyan démokratlar partiyesi, xiristiyan ijtimaiy birlik partiyesi we ijtimaiy démokratlar partiyesi arisida ötküzüliwatqan birleshme hökümet qurush muzakiriliride ilgirilesh hasil boldi.
bu partiyeler ministirliqlarni teqsim qilish mesiliside kélishken bolup, xiristiyan démokratlar partiyesige emgek we ijtimaiy ishlar, tashqi ishlar we maliye ishlar ministirliqliri bérildi.
xewer tor béti « Spiegel Online » de bu heqte élan qilinghan xewerde, xiristiyan démokratlar birlik partiyesining ichki ishlar ministirliqini ötküzüwalidighanliqi we ministirliqqa partiye rehbiri horst séxoférning teyinlinidighanliqi bildürüldi.
xiristiyan démokratlar birlik partiyesining yene qatnash we tereqqiyat yardemliri ministirliqlirinimu bashquridighanliqi qeyt qilindi.
bérlinda seyshenbe etigen bashlap kechte axirlashqan muzakirilerde birdeklik hasil qilinalmighanidi.
bildürülüshiche, muzakirilerge qatnashqan üch partiye arisida nurghun mesile üstide birdeklik hasil qilinghandin tashqiri 167 betlik birleshme hökümet qurush kélishimi tüzülgen.
birleshme hökümet qurush mesiliside birdeklik hasil qilinghan bolsimu, lékin musape toluq axirlashmidi.
xirstiyan démokratlar partiyesi birleshme hökümet qurush kélishimini partiye ezalirining maqulliqidin ötküzidighanliqi toghrisida wede bergenidi.
xirstiyan démokratlar partiyesi kélishimge imza qoyushtin ilgiri 463 mingdin artuq partiye ezasining pikirini soraydu.
