israiliye yunus emre türk medeniyet merkizining mudirini nazaretke élip arqidin qoyuwetti
israiliye saqchiliri, tünügün kechte quddus yunus emre türk medeniyet merkizining mudiri ibrahim furqan özdemirning öyige basturup kirip nazaret astigha élip, aridin bir saetke yéqin waqit ötkende qoyup berdi.
türkiye awazi radiyosi xewiri: 20 dek israiliye saqchisining shu jay waqti saet 22 din 30 minut ötkende ishghal astidiki sherqiy quddusning kona sheher rayonida olturidighan quddus yunus emre türk medeniyet merkizining mudiri özdemirning öyige basturup kirgenliki؛ özdemirning bala – chaqilirining ensiz lehzilerni bashtin kechürgenliki؛ ishikni zorlap échishqa urunghan saqchilarning öyning ögzisige chiqip charlash élip barghanliqi qeyt qilindi.
israiliye saqchiliri, nazaret astigha élinghan özdemirni mesjidi eqsani öz ichige alghan kona sheherning elxelil (yafa) derwazisidiki dawid saqchi merkizige élip bardi؛ türkiyening tél awiwda turushluq elchixanisi bilen quddus konsulxanisi mesilini yéqindin közetti.
israiliye saqchilirining yéqinqi mezgillerde mesjidi eqsani ziyaret qilghan türkiye puqralirini nazaretke élish qilmishlirining köpiyip qélishi diqqetni tartmaqta.
