sochi konfransi bashlandi
süriye memliketlik diyalog kongresi rusiyening sochi shehiride bashlandi.
türkiye awazi radiyosi xewiri: süriyede urush toxtitishqa kapaletlik qilghuchi döletler bolghan türkiye, rusiye we iranning himayiside ötküzülidighan we beshshar esed hakimiyiti heyiti bilen öktichi guruppilarni bir yerge jem qilidighan ikki künlük kongrening birinchi küni, heyetlerning orunlishishi we tizimgha élinishi bilen ötidu.
kapaletlik qilghuchi döletlerning heyet bashliqliri bügün (29-yanwar) teyyarliq yighini ötküzidu. texminen 1600 süriyelik wekil qatnishidighan asasliq yighin ete (30-yanwar) ötküzülidu.
süriye memliketlik diyalog kongresige, türkiye tashqi ishlar ministirliqining muawin meslihetchisi sedat önal, rusiye pirézidéntliq mehkimisining süriye alahide wekili aléksandir lawréntyéw we iran muawin tashqi ishlar ministiri hüseyin jaberi qatnishidu.
b d t (birleshken döletler teshkilati) süriye alahide wekili stéfan démisturamu yighingha qatnishidu.
sochi konfransigha munasiwetlik bir yéngiliq konfransning logosida eks etti. teklipnamilerge chüshürülgen logoda «zeytun shéxi» süritining chong qilip bésilishi diqqet qozghidi.
logoning «zeytun shéxi herbiy herikiti» din kéyin békitilgenliki texmin qilinmaqta.
