афринлиқ имамниң баштин кәчүргәнлири

террорлуқ тәшкилати п й д, п к к –й п г афринда мәсчиткә бесип кирип, қуран кәримләрни йиртип атмақта.

афринлиқ имамниң баштин кәчүргәнлири

түркийә авази радийоси хәвири: сүрийәниң африн районида диний етиқади сәвәблик террористларниң зораванлиқиға учрап, зулумдин қачқан имам муһәммәд чило п й д, п к к-й п г террористлириниң җамәгә айиғи билән киргәнликини вә қуран кәримләрни йиртип йәргә атқанлиқини ейтти.

п й д, п к к каллисини әкәлгәнләргә мукапат берилидиғанлиқини җакарлиған афринлиқ имам: «мән намаз оқуватқанда җамәгә айиғи иблән кирип, балиларни өйигә һәйдиди вә қуран кәримни йиртип йәргә атти» деди.

афринда имам болуп туруватқанда террорлуқ тәшкилатиниң тәһдитлиридин қечип һәләбкә кәлгән муһәммәд чило, бешидин кәчүргәнлирини мундақ байан қилди:

«маңа өзлирини махтисам имамлиқ қилишимға йол қойидиғанлиқлирини ейтти. мән динимиз немини буйруған болса вә һәқиқәт немә болса, шуни дейишкә мәҗбурмән дедим.»

террорлуқ тәшкилати йезилардики қиз балиларға әрәбчә өгитишни вә мәктәпләрдә дин дәрси беришни чәклигән. террорлуқ тәшкилати хәлққә бесим қилипла қалмастин, бәлки хәлқниң мәһсулатлириниму булаң-талаң қилған.

афринлиқ имам муһәммәд чило бу һәқтә: «хәлқниң 50 бак зәйтун йеғиниң 30 бакини террорлуқ тәшкилати п й д, п к к-й п г террористлири мусадирә қилиду, ғәллә йиғиду, униң пулини йавропада вә башқа җайларда хәҗләйду» деди.

имам муһәммәд чило террорлуқ тәшкилатиниң тәһдит селиши түпәйлидин африндин айрилишқа мәҗбур болған. кейинчә, террорлуқ тәшкилати тәрипидин «бузғунчи» дәп елан қилинип, каллисини әкәлгәнләргә 25 миң доллар мукапат берилидиғанлиқи җакарланған.

имам муһәммәд чило африн хәлқини террорлуқ тәшкилатиға қарши намайиш қилишқа чақирди.



مۇناسىۋەتلىك خەۋەرلەر