kataloniye parlaménti pirézidént namzati puigdémont toghrisida bélet tashlaydu

türkiye awazi radiyosi xewiri: kataloniye aptonom rayonluq hökümet parlaménti sabiq pirézidént puigdémontning qaytidin wezipe tapshuruwélishi üchün élip bérilidighan bélet tashlashni küntertipke qoydi. merkiziy hökümet bolsa, sot mehkimisining «tosqunluq yoq» dégen qarari bar bolsimu, emma buni toxtitish üchün asasiy qanun mehkimisige erz qilishni qarar qildi.

kataloniye aptonom rayonluq hökümet parlaménti bashliqi rogér torréntning imzasi bilen élan qilinghan küntertipke asaslanghanda, 30-yanwr (seyshenbe) chüshtin kéyin saet 15:00 te pirézidéntliqqa namzat körsitilgen puigdémont heqqide ishench béliti tashlinidiken.

yene birtereptin, ispaniye merkiziy hökümitining telipige binaen sot mehkimisi toplinip, merkiziy hökümetning ümid qilghanning del eksiche, puigdémontning pirézidént bolushigha tosqunluq qilidighan héchqandaq ehwalning yoqluqi toghrisida höküm chiqardi. buning tesiride, merkiziy hökümet puigdémont heqqide bélet tashlashni tosup qélish üchün asasiy qanun mehkimisige erz sunushni qarar qildi.

«döletke qarshi isyan qilish we qarshi chiqish», «dölet mal-mülkidin qalaymiqan paydilinish» qatarliq jinayetler bilen eyiblengen puigdémont, tutulmasliq üchün yighinlargha kaméra arqiliq qatnishalaydighanliqini we wakalet bérish arqiliq bélet tashliyalaydighanliqini ilgiri sürmekte.

merkiziy hökümet kataloniye parlaméntidiki bélet tashlashni tosiyalmighan teqdirde, puigdémontning kaméra arqiliq qesem béridighanliqi kütülmekte.