kabuldiki bir aliy méhmanxana qoralliq hujumgha uchridi

türkiye awazi radiyosi xewiri: afghanistanliq emeldarlar, 12 saettin uzun dawamlashqan toqunushning barliq hujumchilarning öltürülüshi bilen axirlashqanliqini uqturdi.

méhmanxanigha ashxana arqiliq kirgen hujumchilar xewpsizlik küchliri bilen toqunushti؛ méhmanxanining birinchi qewitide bashlanghan toqunushtin kéyin, hujumchilar yuqiridiki qewetlerge qarap qachti؛ afghanistan alahide heriket qisimliri hujumchilarni méhmanxanida qolgha chüshürüsh üchün heriketke ötti. bu jeryanda hujumchilar bezi yataqlargha ot qoyup berdi, méhmanxanidiki xéridarlarni görüge éliwaldi.

tang étishqa yéqin axirlashqan herbiy heriket jeryanida, 3 hujumchining öltürülgenliki, biri chet ellik bolup jemiy 5 puqraning hayatidin ayrilghanliqi bildürüldi.

hazirche héchqandaq terep hujumning jawabkarliqini üstige almidi.