كولومبىيەدە كۆۋرۈك ئولتۇرۇشۇپ كېتىپ نۇرغۇن ئادەم ئۆلدى

تۈركىيە ئاۋازى رادىيوسى خەۋىرى:  كولومبىيە جىددىي ئەھۋاللارغا تاقابىل تۇرۇش قوماندانلىق مەركىزىنىڭ بىلدۈرۈشىچە، قۇرۇلۇشى تاماملىنىش ئالدىدا تۇرۇۋاتقان چىراجارا كۆۋرۈكىنىڭ ئولتۇرۇشۇپ كېتىشى نەتىجىسىدە 9 ئىشچىى قازا قىلغان، 8 ئىشچى يارىلانغان بولۇپ، قىزىل كىرېسىت  جەمئىيىتى، پۇقراۋى قوغدىنىش  جەمئىيىتى ۋە ئوت ئۆچۈرۈش ئىدارىسى ئەترەتلىرىنىڭ ئىزدەش - قۇتقۇزۇش پائالىيەتلىرى داۋاملاشماقتا ئىكەن.

يەرلىك تاراتقۇلارنىڭ خەۋەر قىلىشىچە، ئۇزۇنلۇقى 446 مېتىر كېلىدىغان ۋە قۇرۇلۇشى تاماملىنىش ئالدىدا تۇرۇۋاتقان كۆرۋۈك ئولتۇرۇشۇپ كەتكەن كېيىن ئىشچىلار تەخمىنەن 280 مېتىر چوڭقۇرلۇقتىكى ۋادىغا چۈشۈپ كەتكەن.