amérika salwadorliqlarni heydep chiqirishqa teyyarlandi
amérika hökümiti 2001-yili yüz bergen yer tewresh apitidin kéyin waqitliq ruxset bilen yerleshken texminen 200 ming salwadorliqni dölitige qaytishqa yaki chégradin chiqiriwétishke teyyarlandi.
türkiye awazi radiyosi xewiri: amérika ichki xewpsizlik ministirliqi dölettiki salwadorliqlarni ehwali toghrisida yazma bayanat élan qildi.
bayanatta, ministir kirstijinning bu mesilide bir qarargha kelgenliki eskertilip, mundaq déyildi:
«salwador pirézidént donald tramp hakimiyitide <waqitliq qoghdash salahiyiti> ni yoqatqan tötinchi dölet bolup qaldi. salwadorliqlar tebiiy apetning tesirige uchrighan chet elliklerge qaritilghan insanperwerlik yardem pirogrammisidin eng köp paydilanghan xelq idi.»
bayanatta, salwadorliqlarning 2019-yil séntebirgiche köchmenlikke alaqidar qanuniy resmiyitini toluqlishi, undaq bolmighanda chégradin qoghlap chiqiriwétilidighanliqliri eskertildi.
ministirliqning bayanatida, salwadorliqlarning ehwali toghrisida mundaq déyildi:
«hazir el salwadorda yer tewresh apitining izliri we tesiri qalmidi, shunga salwadorliqlar dölitige qaytishi kérek.»
2001-yili ottura latin amérikasi hésablinidighan salwadorda yüz bergen 7.7 bal yer tewreshte 944 kishi ölüp, 5 mingdin artuq kishi yarilanghan idi.
tramp hökümiti 2017-yilida buninggha oxshash tebiiy apet sewebidin amérikagha yerleshken hondurasliqlar, nikaragualiqlar we haytiliqlar üchünmu bu pirogramma mudditini uzartmasliqni qarar qilghan idi. noyabir éyida élan qilinghan bu heqtiki bayanatta, haytiliqlargha amérikadin chiqip kétishi üchün 18 ay möhlet bérilgen idi.
مۇناسىۋەتلىك خەۋەرلەر
qarataghda pirézidént saylimi ötküzüldi
qarataghda xelq 8 - nöwetlik pirézidént saylimining ikkinchi basquchida bélet tashlidi.
