süriyede hamadin texminen 80 ming puqra idlibke köchüp keldi

insan heq we hörriyetliri, insanperwerlik yardem weqpi «İHH» hamadin köchüp kelgen puqralargha yardem xizmetlirini bashlidi.

883026
süriyede hamadin texminen 80 ming puqra idlibke köchüp keldi

türkiye awazi radiyosi xewiri: insan heq we hörriyetliri, insanperwerlik yardem weqpi «İHH»ning süriyediki xizmetliri médiya ishliri mudiri selim tosun, süriyening hama shehiridin texminen 80 ming puqraning idlib shehirining shimaligha köchkenlikini bildürdi.

hujum sewebidin puqralarning intayin qéyin ehwalda ikenlikini tilgha alghan selim tosun, «hawadin we qurughluqtin qiliniwatqan hujumlar tüpeylidin hamaning sherqidiki texminen 80 ming puqra idlibning shimaligha köchti. minglighan aile yürt – makanlirini tashlap, türkiye chégrasigha yéqin jaygha yétip keldi. hujum dawamlishidighan bolsa, bu sanning téximu éship kétidighanliqini texmin qiliwatimiz» dédi.

selim tosun köchken aililerge qolidin kélishiche yardem qilishqa tirishwatqanliqini tekitlep, deslepki qedemde idlib etrapidiki kefer lusin dégen jayda qanalghu merkizi qurup chiqdighanliqini bildürdi.

jemiy 10 ming qap yémek – ichmek  teyyarlap, aililerge tarqitip bergenlikini bildürgen selim tosun yene mundaq dédi:

«chégraning nol nuqtisida chédir qurghan aililer asasen qalmidi. hujumlar dawamlishiwiridighan bolsa, weziyet téximu yamanliship kétidu. hazir mezkur aililer derext astini panah tutti. yolda béshini tiqqudek yerla tapsa, shu yerde panahlinishqa tirishmaqta. yéqindin buyan pesillik yamghurningmu ewj élishi sewebidin yüzligen ailining chédirliri su astida qaldi. insanlar bombardimandin qéchip kelgen rayonlarda yémek – ichmek qéyinchiliqigha duch kelmekte»



مۇناسىۋەتلىك خەۋەرلەر