ئافغانىستان دۆلەت بىخەتەرلىك ئىدارىسى بىناسى ھۇجۇمغا ئۇچرىدى

تۈركىيە ئاۋازى رادىيوسى خەۋىرى: ئافغانىستان ساقچى تارماقلىرى، ھۇجۇمچىلارنىڭ كابۇلنىڭ ئافشار رايونىدىكى قۇرۇلۇشى داۋاملىشىۋاتقان بىر بىناغا كىرىپ، دۆلەت بىخەتەرلىك ئىدارىسىنىڭ مەشىق مەركىزىنى ئوققا تۇتقانلىقىنى ئۇقتۇردى.

ھۇجۇمچىلارنى بىر تەرەپ قىلىش ھەرىكىتىنىڭ داۋاملىشىۋاتقانلىقى بىلدۈرۈلگەن بولسىمۇ، ۋەقەدە ئادەم ئۆلۈش ياكى يارىلىنىش ئەھۋالىنىڭ كۆرۈلۈپ – كۆرۈلمىگەنلىكى، ھۇجۇمچىلارنىڭ سانى قاتارلىقلار توغرىسىدا ھېچقانداق مەلۇمات بېرىلمىدى.

رايوننىڭ كىرىش – چىقىش ئېغىزلىرى تاقىۋېتىلدى، ھۇجۇمنىڭ جاۋابكارلىقىنى دائېش تېررورلۇق تەشكىلاتى ئۈستىگە ئالدى.