tramp sabiq tashqi ishlar ministiri hilari üstidiki tekshürüshlerni eyiblidi

türkiye awazi radiyosi xewiri: pirézidént tramp twittérda sabiq tashqi ishlar ministiri hilari klinton üstidiki tekshürüsh heqqide bir uchur hembehirlidi. u hembehirligen uchurida, komidin milliy xewpsizlik meslihetchisi mishél flin üstidiki tekshürüshlerni toxtitishni héchqachan telep qilip baqmighanliqini eskertti. u «yalghan xewer» dep atighan bir qanche chong taratqularning dawamliq halda komi ilgiri sürgen mesililerni asas qilip xewer tarqitiwatqanliqini eskertti.

FBI ning komi bashchiliqida élip bériliwatqan hilari klinton üstidiki tekshürüshni «saxta we toghra bolmighan tekshürüsh» dégen pirézidént tramp, FBI gha komi diréktor bolghanda idare obrazining yer bilen yeksan bolghanliqini, idarining kona obrazini pat arida eslige keltüridighanliqlirini bildürdi.

u rusiyening amérikadiki pirézidéntliq saylamlirigha qol tiqqanliqi heqqidiki tekshürüshlerdin uzaqlashturulghan sabiq FBI xadimi pétir sitrzik toghrisidiki uchurlirini hembehirlidi.

amérika taratquliridiki «trampqa qarshi FBI xadimi klinton délosini tekshürdi» dégen xewerler toghrisida: «emdi hemme nersiler menilik bolushqa bashlidi» dédi.

pirézidént tramp hembehirligen uchurida, hilari klinton tashqi ishlar ministiri bolup wezipe ötigende, xususiy élxet adrésini resmiy alaqide ishletkenlikini xatiriletti. u mundaq dédi:

«mesuliyetsiz FBI xadimining klinton délosidiki roli nazaret astida. klinton üstide tekshürüshler boluwatqanda, klintonning pulliri wezipe üstidiki yene bir FBI xadimigha yetküzületti.»

pétir sitrzikning trampqa qarshi tarqatqan uchurliri ashkarilanghanda, rusiye délosigha mesul teptish xadimi robért mullér teripidin yaz aylirida wezipisidin élip tashlanghanliqi bildürülgen idi. buningdin bashqa, pétir sitrzikning klinton üstidiki tekshürüshlerge mesul bolup turuwatqan chaghlirida tekshürüsh guruppisida wezipe ötewatqan bashqa FBI xadimining ayali bilen binormal munasiwetlerde bolghanliqi toghrisidiki xewerler tarqalghan idi.