тиллерсон йавропани зийарәт қилиду

америка ташқи ишлар министири рекс тиллерсон 4-8-декабир күнлири арисида йавропадики бәзи дөләтләрни зийарәт қилип, муһим йиғинлара қатнишиду.

859069
тиллерсон йавропани зийарәт қилиду

түркийә авази радийоси хәвири: америка ташқи ишлар министирлиқи байанатчиси хезир наврт күндилик ахбарат елан қилиш йиғинида, рекс тиллерсонниң йавропа зийарити һәққидә мәлумат бәрди.

мәлуматларға асасланғанда, рекс тиллерсон 4-декабир белгийә пайтәхти бирйусселда нато баш катипи столтенберг билән көрүшидикән, 5-6-декабир күнлири йәнә бирйусселда нато дөләтлириниң ташқи ишлар министирлири йиғиниға қатнишидикән. у декабир австирийәгә берип, йавропа хәвпсизлик вә һәмкарлиқ тәшкилатиниң йиғиниға қатнишидикән.

у 8-декабир парижда өткүзүлидиған йуқири дәриҗилик рәһбәрләр йиғиниға қатнишип, сүрийә, иран, ливан, ливийә вә шималий корейә мәсилилирини музакирә қилидикән.



مۇناسىۋەتلىك خەۋەرلەر