сүрийә өктичилири бәшшар әсәд һакимийити билән бивастә көрүшүшни тәклип қилди

сүрийә өктичилиридин тәшкилләнгән алий музакирә комитети җәнвәдә давамлишиватқан 8-қетимлиқ сүрийә сөһбәт йиғинида, бәшшар әсәд һакимийити билән бивастә көрүшүшни тәклип қилди.

857265
сүрийә өктичилири бәшшар әсәд һакимийити билән бивастә көрүшүшни тәклип қилди

түркийә авази радийоси хәвири: сүрийә өктичилири алий музакирә комитетиниң байанатчилиридин йәһйа ариди б д т сүрийә алаһидә вәкили стефан демистура билән өткүзгән йиғинни ахирлаштурғандин кейин, йазма байанат елан қилди.

байанатчи ариди демистураға җәнвәдики б д т учришишлирида бәшшар әсәд һакимийитиниң вәкиллири билән бивастә көрүшүшни тәклип қилғанлиқлирини билдүрди. у бәшшар әсәд һакимийитиниң җәнвәдики учришишларни кечиктүрүшкә урунуп, сүрийә хәлқини қийнашни давамлаштуруватқанлиқини әскәртти.

у: «әмди өктичиләр парчиланди дәйдиған баһанә йоқ. биз бир вә қарши тәрәп билән бивастә көрүшүшкә тәййармиз. йеқинқи икки һәптидә сүрийәдә җиддий вәзийәтни пәсәйтиш районлири ичидә болған вә бәшшар әсәд һакимийити қаттиқ һуҗум қиливатқан шәрқий гутада 69 пуқра җенидин айрилди, 500 дин артуқ пуқра йариланди» деди.

бүгүн (29-нойабир) бәшшар әсәд һакимийити һәйитиниң җәнвәгә баридиғанлиқи билдүрүлди. тунҗи қетимлиқ җәнвә йиғини 2012-йили 30-ийун ечилған болуп, 2-қетимлиқ җәнвә йиғини 2014-йил 22-йанвар ечилған, бирақ нәтиҗисиз ахирлашқан иди. 3-қетимлиқ җәнвә йиғини болса, 2016-йил 29-йанвар башланған вә бәшшар әсәд һакимийитиниң һәләбни қоршавға елиш сәвәбидин ахирлашқан иди.

б д т мәлуматлириға асасланғанда, 8-қетимлиқ җәнвә йиғини 1-декабир (җүмә) күни ахирлишидиған болуп, декабир ейиниң оттурилирида йәнә қайта учришиш пилан қилинмақта икән.



مۇناسىۋەتلىك خەۋەرلەر