shimaliy koréyede köngül échish paaliyetlirimu cheklendi

türkiye awazi radiyosi xewiri: shimaliy koréye pirézidénti kim jung un haraq-sharab we muzikiliq bolghan barliq paaliyetlerni chekliwetti.

bu cheklimining shimaliy koréyege qaritilghan yéngi émbargolarning tesirini azaytish meqset qilinip chiqirilghanliqi bildürüldi.

shimaliy koréyening xelqaraning barliq naraziliqlirigha qarimay balistik bashqurulidighan bombilarni sinaq qilip yadro qorallirini yasashni dawamlashturushi seweblik iqtisadiy émbargolar qoyuldi.

jenubiy koréye dölet istixbarat idarisi mundaq dep bayanat berdi: «piyongyang hökümiti haraq-sharab, muzikiliq bolghan her qandaq paaliyet we köngül-échish sorunlirini cheklidi,  melumat sirtiki her qandaq ishqa bolghan nazaret kücheytildi.»

shimaliy koréye xelqi nöwette éghir bésim astida turmush kechürmekte.

chet elge chiqish cheklimige uchraydighan bu dölette xelqning parangliri oghriliqche anglinidu, döletning melumati sirtidiki barliq uchur alaqe wastilirige ige bolghuchilar  bolsa qattiq jazalinidu.

qehetchilikningmu zerbisige uchrighan bu dölette 5 ay ilgiri piyongyang piwa féstiwali emeldin qalduruwétilgenidi.

jenubiy koréye istixbarat idarisi shimaliy koréye hakimiyitidiki aliy rehberlerning eskerlerning partiye pirinsipilirigha sadiq bolushi kéreklikini bildürüsh üchün armiyening siyasiy –kéngesh sépide élip bérilghan nazaret xizmiti dairiside jazalandurughanliqini bildürdi.

jazalash shekli toghruluq melumat bérilmidi.

jenubiy koréye istixbarat idarisi mesulliri shimaliy koréyening«alem qatnishi pirogrammisini tereqqiy qildurush»nami astida bashqurulidighan bomba sinaq qilishqa teyyarliniwatqanliqi heqqide bisharetlerning barliqini bildürmekte.