léwrat, islamning shiwéytsariyede resmiy étirap qilinishi toghrisidiki telipini tekrarlidi

shiwéytsariye ijtimaiy démokratlar partiyesi bashliqi kiristiyan léwrat, islamning resmiy din süpitide étirap qilinishi toghrisidiki teklipini qayta tekitlidi.

851004
léwrat, islamning shiwéytsariyede resmiy étirap qilinishi toghrisidiki telipini tekrarlidi

türkiye awazi radiyosi xewiri: shiwéytsariye ijtimaiy démokratlar partiyesi bashliqi kiristiyan léwrat «sonntags zéytung» gézitining soallirigha jawab bérip, «shiwéytsariyede 400 ming musulman bar, bularning 160 mingida shiwéytsariye pasporti bar. islam bizning dölitimizge aittur» dégenlerni qeyt qildi.

partiyesining islam dinining shiwéytsariyede resmiy din süpitide étirap qilinishini xalaydighanliqini tekitligen léwrat, partiyesining mushu qarashtiki bezi ezalirining «shiwéytsariyede islamning yol xeritisi» dégen nam astida xizmet ishlewatqanliqini bildürdi.

u, türkiye diniy ishlar bashqarmisining shiwéytsariyediki xizmetlirige dair bir soalgha jawab bérip, «diyanetning (shiwéytsariyediki bezi jamelerni) maliye bilen teminlishining meni qilinishigha qarshimen. chünki, türk imamlarning cheklimige uchrishishi wehabi we selefiyler teripidin toldurulidighan bir boshluq yaritishi mumkin. bular islam toghrisida téximu ashqun wez éytidu. hemmidin awwal imamlarning erebchining ornida némische we firansuzche wez éytidighan türk bolushini xalaymen» dédi.

islamning dölitide resmiy din süpitide qobul qilinishi kéreklikini tunji qétim awghust éyida otturigha qoyghan léwrat, «islam resmiy din süpitide étirap qilinsa, diniy erbablarni terbiyelesh we maliye mesililirining shiwéytsariye teripidin qamdilidighanliqi, chet elliklerge yaki ashqun qatlamlargha tashlap qoyulmaydighanliqi» ni éytqan we sözini dawamlashturup, «shiwéytsariyege xas bir silam dini bolushi mumkinmu? buni bes – munazire qilishimiz lazim» dégenidi.



مۇناسىۋەتلىك خەۋەرلەر