amérika türkiyening qimmitini bilishi kérek

türkiye awazi radiyosi xewiri: paytext washingtondiki tetqiqat merkezliridin biri bolghan «Turkish Heritage Organization» amérika kongreside «türkiye-amérika munasiwetliri» toghrisida léksiye yighini uyushturdi. yighingha, kongrening bezi ezaliridin bashqa, kongre tashqi munasiwetler komitétining yuqiri derijilik rehberliri qatnashti.

yighinda, kongrening türkiye dostluq guruppisining bashliqi pété séshéniz söz qildi. u: «ikki dölet otturisida oxshimighan qarashlar bolsimu, emma türkiye amérikaning intayin qimmetlik ittipaqchisidur؛ amérika türkiyening qimmitini bilishi kérek» dédi.

u amérikaning nato ittipaqdishi bolghan türkiyeni dawamliq qollaydighanliqlirini, türkiyening rayonda achquchluq rolining barliqini bildürdi.

yighinda, amérika-türkiye munasiwetlirining nachar bir mezgilni bashtin kechürgenliki, ikki döletning ottura sherqte bir-birige éhtiyaji barliqini, térroruq teshkilati p k k bilen süriyediki gumashtisi p y d, y p g otturisidiki munasiwetning ispat telep qilmaydighan munasiwet ikenliki؛ bu sewebtin ikki dölet munasiwetlirining zidilengenliki tilgha élindi.

türkiyening süriyening kélechiki mesiliside muhim rol oynaydighanliqi, amérikaning bu nuqtini nezerdin saqit qilmasliqi kérekliki, amérikaning y p g bilen munasiwetlirini cheklik sewiyede qilishi kérekliki we p y d ning öz menpeeti üchün chépiwatqanliqi tekitlendi.

yighin ishtirakchiliri türkiye bash ministiri binali yildirim bilen amérika muawin pirézidénti nayk pénsning uchrishishining, ikki dölet munasiwetlirige ijabiy tesir körsitidighanliqigha ishinidighanliqlirini bildürdi.