абдулмәлик әлхусийни тутуп бәргән кишигә 30 милйон доллар мукапат берилиду

сәуди әрбистан террорлуқ паалийәтлирини пиланлаш, иҗра қилиш вә қоллаш қатарлиқ җинайәтләргә җавабкар 40 кишиниң тутулиши үчүн мукапат елан қилди.

абдулмәлик әлхусийни тутуп бәргән кишигә 30 милйон доллар мукапат берилиду

түркийә авази радийоси хәвири: сәуди әрәбистан хусийларниң рәһбири абдулмәлик әлхусийниң урнини билдүргән йаки терик тутуп бәргән кишигә 30 милйон доллар нәқ пул мукапат берилидиғанлиқини җакарлиди.

сәуди әрбистан йәмәндә террорлуқ паалийәтлирини пиланлаш, иҗра қилиш вә қоллаш қатарлиқ җинайәтләргә җавабкар 40 кишиниң исим тизимликини елан қилди.

сәуди әрәбистан хәвәр агентлиқи «SPA» ниң хәвиридә, тизимлик бешида урун алған хусийларниң рәһбири абдулмәлик әлхусийниң урнини билдүргән йаки терик тутуп бәргән кишигә 30 милйон доллар нәқ пул мукапат берилидиғанлиқи билүрүлди.

байанатта, хусийлар вә сабиқ пирезидент әли абдуллаһ салиһниң қоллиғучилири тәрипидин қурулған сийасий алий кеңәшниң башлиқи салиһ әссәмәд, хусийлар тәрипидин қурулған қанунсиз һөкүмәтниң қатнаш ишлири министири зәкәрийа әшшами, һәрбий истихбарат ишлири министири абдуллаһ йәһйа әбулһәким, абдулмәлик әлхусийниң иниси абдулхалиқ әлхусий, мудапиә министири насир әл атифи, һәрбий қоманданлардин йүсүф әл мәдәний, ички истихбарат ишлири башлиқи абдулқадир әшшами, ташқи истихбарт ишлири башлиқи абдурраб салиһ җәрәфан вә һәрбий мәслиһәтчиси йәһйа муһәммәд әшшами қатарлиқларни тутуп бәргәнләргә болса, 20 милйон доллар мукапат берилидиғанлиқи қәйт қилинди.

абдулмәлик әлхусийниң иниси шундақла маарип ишлири министири йәһйа бәдруддин әлхусий билән йашлар вә тәнтәрбийә ишлири министири һәсән муһәммәд зәйдни тутуп бәргәнләргә 10 милйон доллар, учур алақә ишлири министири әһмәд муһәммәд һамид, аммивий хизмәт ишлири министири талал алқан вә әдлийә ишлири министири әһмәд абдуллаһ ақабадни тутуп бәргәнләргә 5 милйон доллар мукапат берилидиғанлиқи җакарланди.

тизимликтә салиниң қоллиғучилириға урун берилмиди.



مۇناسىۋەتلىك خەۋەرلەر