ئەبۇ بەكىر باغدادىنىڭ تاكسى بىلەن سۈرىيەگە سەپەر قىلغانلىقى بايقالدى
تېررورلۇق تەشكىلاتى دائېشنىڭ ئاتالمىش رەھبىرى ئەبۇبەكىر باغدادىنىڭ 3 – نويابىردا تاكسى بىلەن سۈرىيەگە ئۆتۈپ، دېيرۇز زۇر شەھىرىگە كەتكەنلىكى ئىلگىرى سۈرۈلمەكتە.
841918
تۈركىيە ئاۋازى رادىيوسى خەۋىرى: ئىراق مەتبۇئاتلىرى تېررورلۇق تەشكىلاتى دائېشنىڭ ئاتالمىش رەھبىرى ئەبۇبەكىر باغدادىنىڭ بىر تاكسى بىلەن ئىراقتىن سۈرىيەگە ئۆتكەنلىكىنى ئىلگىرى سۈردى.
ئىراق مېديا ئاگېنتلىقى ئىراق ئىستىخباراتىنى مەنبە كۆرسەتكەن خەۋىرىدە، دائېشنىڭ ئاتالمىش رەھبىرىنىڭ 3 – نويابىردا بىر سېرىق تاكسى بىلەن ئىراقنىڭ فىرات دەرياسى بويىغا جايلاشقان راۋا يېزىسىدىن سۈرىيەگە كەتكەنلىكىنى يازدى.
بايقىلىپ قالماسلىق ئۈچۈن سېرىق تاكسى بىلەن يولغا چىققانلىقى قەيت قىلىنغان مەزكۇر خەۋەردە يەنە، دائېشنىڭ ئاتالمىش رەھبىرى باغدادىنىڭ سۈرىيەگە ئۆتكەندىن كېيىن، دېيرۇز زۇر شەھىرى تەرەپكە كەتكەنلىكى ئىلگىرى سۈرۈلدى.
