американиң әң илғар башқурулидиған бомба тәтқиқати қиливатқанлиқи ашкариланди

американиң икки йилдин буйан һава үстүнлүкини қоғдаш үчүн һавадин һаваға қойуп берилидиған узун мусапилиқ башқурулидиған бомба лайиһәси үстидә тәтқиқат елип бериватқанлиқи ашкариланди.

американиң әң илғар башқурулидиған бомба тәтқиқати қиливатқанлиқи ашкариланди

түркийә авази радийоси хәвири: американиң башқурулидиған бомба тәтқиқат лайиһәсигә мунасивәтлик тәпсилий мәлуматлар мәхпий тутулған болсиму, әмма дөләт мудапиә министирлиқи елан қилған 2018-йиллиқ хамчот лайиһәсиниң мәзмунлиридин биливалғили болиду. «Amerikan Flight Global» намлиқ авийатсийә журнили бу һәқтә өткән йили (2016) узун мусапилиқ башқурулидиған бомбини лайиһәләш, чиртийож вә етиш системилири тоғрисидики анализларниң ахирлашқанлиқини қәйт қилди.

дөләт мудапиә министирлиқиниң 2018-йиллиқ хамчот лайиһәсидиму: «мувәппәқийәт билән тамамланған тәқдирдә, бирдин көп армийә қисмиға бу башқурулидиған бомбилар сәпләп берилиду» дейилди. башқурулидиған бомбиға мунасивәтлик мәлуматлар хамчот лайиһәсиниң «йүкселиватқан қабилийәтләрниң техникилиқ тәрәққийати» дегән темилиқ бөлүмидә берилди. мәзкур қоралларниң американиң дунйадики һава үстүнлүкигә муһим һәссиләрни қошидиғанлиқи тәкитләнди.

буниңдин башқа, тәтқиқ қилиниватқан башқурулидиған бомбиниң, һазирғичә ишлитиливатқан, мудапиә ширкити «Raytheon» тәрипидин йасалған вә «американиң әң тәрәққий қилған һавадин һаваға қойуп берилидиған башқурулидиған бомбилири» дәп нам берилгән « AIM-120D AMRAAM» типлиқ башқурулидиған бомбиларниң орниға сәплинидиғанлиқи қәйт қилинди.

америка дөләт мудапиә министирлиқиниң хитай билән русийәниң мусаписи тәхминән 160 километир болған «AIM-120D» типлиқ башқурулидиған бомбиға қарши техиму илғар башқурулидиған бомба йасаш пиланиға қарши мәзкур лайиһәни оттуриға чиқарғанлиқи илгири сүрүлмәктә.



مۇناسىۋەتلىك خەۋەرلەر